Գործող քաղաքապետի խորհրդականը կանգնել է դրսում, ընտրողներին հարցեր է ուղղում. ի՞նչ է կատարվում Աբովյանում

ArmLur.am-ը տեղեկացավ, որ Աբովյանի թիվ 29/16 ընտրատեղամասում այս պահի դրությամբ արձանագրվել են են մի քանի խախտումներ։ Դիտորները նկատել են, որ ընտրատեղամասի դիմաց կահույքի սրահ կա, որ եղել է թեկնածուներից Վահագն Գևորգյանի շտաբը, եւ այնտեղ դեռ փակցված է եղել Գևորգյանի նկարը։ Նկարը հանվել է։

Քիչ առաջ էլ ՀՀ ոստիկանության պետի առաջին տեղակալ Արման Սարգսյանը թիվ 29/16 ընտրատեղամասում էր։

Փոխոստիկանապետի խոսքով` ինքը պարզապես եկել էր տեղում ծանոթանալու ինչ իրավիճակ է։

Սակայն մենք տեղեկացանք, որ փոխոստիկանապետին լուրեր են հասել այն մասին, որ ՔՊ-ական թեկնածու Գրիգոր Գուլյանի վստահված անձը նկատել է` երեք անձ մտել են Վահագն Գևորգյանի շտաբ,որը ընտրատեղամասի դիմաց է, հետո գնացել են ընտրատեղամաս, ապա նորից գնացել շտաբ։
Հանձնաժողովի նախագահը փոխոստիկանապետին ներկայացրեց իրավիճակը։

Լուսինե Մինասյան
Աբովյան