ԼՈՒՐ ԿԱԴՐ

Լուսանկարն արվել է Էջմիածնում

Էջմիածին քաղաքի Վռամ Կոստանյան փողոցում աղբահանություն, կարծես թե, չի կատարվում: Էջմիածինը նույնպես «թրենդի» մեջ է` չզիջելով Երեւան քաղաքին:

ՀԱՐՑ. Ինչպե՞ս է հաշվարկվում բեռնատար ավտոմեքենաներով գործունեություն իրականացնելու համար հաստատագրված վճարի ամսական չափը:

Լեւոն Արիստակեսյան (50 տարեկան)

ՊԱՏԱՍԽԱՆ. Հարցին ի պատասխան` հայտնում ենք, որ «Հաստատագրված վճարների մասին» Հայաստանի Հանրապետության օրենքի 39-րդ հոդվածի համաձայն` ավտոտրանսպորտային գործունեություն իրականացնելու համար հաստատագրված վճարի ամսական չափը հաշվարկվում է ելակետային տվյալի եւ ուղղիչ գործակցի արտադրյալի 2000-պատիկի չափով` դրամական արտահայտությամբ: Բեռնատար ավտոմեքենաներով գործունեություն իրականացնելու համար ելակետային տվյալ է համարվում ավտոմեքենայի բեռնատարողությունը` արտահայտված տոննաներով, իսկ ուղղիչ գործակիցները կապված են գոտիականության հետ:

ՀՀ պետական եկամուտների կոմիտե

«ԺՈՂՈՎՈՒՐԴ». Նշենք, որ բեռնատար ավտոմեքենաներով միջմարզային, միջպետական բեռնափոխադրումների իրականացման դեպքում կիրառվում է այդ վայրերի համար սահմանված գործակիցներից առավելագույնը:

ՀԱՐՑ. Հայրենական մեծ պատերազմի վետերանն իրավունք ունի՞ փոխհատուցում ստանալ մահացած ամուսնու կողմից ներդրված ավանդների դիմաց: Եվ, ընդհանրապես, ինչպե՞ս են կատարվում Հայրենական մեծ պատերազմի վետերանների ավանդների փոխհատուցման վճարումները:

Սերինե Միքայելյան (62 տարեկան, տնային տնտեսուհի)

ՊԱՏԱՍԽԱՆ. Տեղեկացնում ենք, որ եթե Հայրենական մեծ պատերազմի վետերանի` ավանդատու հանդիuացող ամուuինը մահացած է, եւ մահացած ամուuնու անունով ներդրված ավանդը ներդրվել է նրանց համատեղ ամուuնական կյանքի ընթացքում, ապա մահացած ամուuնու ավանդի 50 տոկոuի դիմաց կենդանի ամուuնու համար փոխհատուցում uտանալու իրավունքը ճանաչվում է որպեu ավանդի նկատմամբ մահացածի հետ ընդհանուր համատեղ uեփականության իրավունք:
Միաժամանակ հայտնում ենք, որ Հայրենական մեծ պատերազմի վետերանների ավանդների փոխհատուցումը վճարվում է Հայփոստի բաժանմունքի սպասարկող անձի կողմից (փոստատար) տուն առաքելու միջոցով (ավանդատուի պահանջով այն կարող է վճարվել նաեւ բաժանմունքում)` համաձայն հաստատված ժամանակացույցի եւ փոստատարների համար սահմանված երթուղու:

Կենսաթոշակային համակարգի իրազեկման կենտրոն

«ԺՈՂՈՎՈՒՐԴ». Ավելացնենք, որ Հայրենական մեծ պատերազմի վետերանի պահանջով սոցիալական ծառայություններ տրամադրող տարածքային մարմինը հաշվառումը կարող է իրականացնել վետերանի բնակության վայրում` կազմակերպելով տնային այցելություն (ներառում է այցելություն բուժման վայր): Հայաստանում վետերանների թիվը 2017թ.-ի ապրիլի 1-ի դրությամբ 624 է:
Նշենք, որ ՀՀ պաշտպանության ժամանակ կամ համապատասխան պետական մարմիններում զինվորական ծառայության ընթացքում 1-ին խմբի հաշմանդամ դարձած անձը` 19000 դրամի, 2-րդ խմբի հաշմանդամը` 17000 դրամի, 3-րդ խմբի հաշմանդամը` 15000 դրամի չափով ստանում են պարգեւավճարներ: