Ռուսաստանցի բռնցքամարտիկ Մաքսիմ Դադաշևը Սուբրիել Մաթիասի դեմ մրցամարտի ընթացքում ստացած ծանր վնասվածքների հետևանքով մահացել է: Ինչպես փոխանցում է «Արմենպրես»-ը, այդ մասին հաղորդում է ռուսական ՆՏՎ հեռուստաալիքը:
Նախնական տեղեկություններով, մարզիկի սիրտը չի դիմացել:
Մրցամարտը տեղի է ունեցել հուլիսի 20-ին՝ ԱՄՆ-ում: 11-րդ ռաունդում 28-ամյա ռուս բռնցքամարտիկը պոերտոռիկացի մրցակցից բաց է թողել հարվածների շարք, որից հետո մրցավարը դադարեցրել է մարտը:
Դադաշևի վիճակը գնալով վատացել է, նա կորցրել է գիտակցությունը և բռնցքամարտիկին տեղափոխել են հիվանդանոց:
Նա ուղեղի հատվածում երկժամյա վիրահատության է ենթարկվել: Դրանից հետո Դադաշևը գտնվել է կոմայի մեջ:
.gif)
