Խնձորեսկում մեքենան շրջվել է. վատառողջ ուղեւորն արգելափակվել է ներսում

Հայաստանի ԱԻՆ-ում, հուլիսի 30-ին, ժամը 15:47-ին «911» ծառայությանն ահազանգ է ստացվել, որ Սյունիքի մարզի Խնձորեսկ գյուղի մոտակայքում ավտոմեքենան կողաշրջվել է, ներսում քաղաքացի կա. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ «ԳԱԶ-3110» մակնիշի ավտոմեքենան (վարորդ՝ Ղ.Կ.) ճանապարհային ավտոսպասարկման կամրջակից իջնելիս կողաշրջվել է: Վատառողջ ուղեւորը՝ Հ.Կ.-ն (ծնված 1955 թ.), արգելափակվել է ավտոմեքենայում:

Փրկարարներն ուղեւորին դուրս են բերել ավտոմեքենայից. Հ.Կ.-ն հրաժարվել է բուժօգնությունից:

Փրկարարներն ավտոմեքենան դուրս են բերել ճանապարհի երթեւեկելի հատված: