Կայացավ Եվրոպա Լիգայի որակավորման երրորդ փուլի «Վուլվերհեմփթոն» – «Փյունիկ» պատասխան հանդիպումը: Երեւանում կայացած առաջին խաղում «Փյունիկը» մրցակցին զիջել էր 0:4 հաշվով: Այս խաղում նույնպես գրանցվեց նույն արդյունքը ` չնայած հայկական թիմը առաջին խաղակեսում լավ ֆուտբոլ խաղաց եւ գոլ բաց չթողեց:
Երկրորդ խաղակեսի 54-րդ րոպեին հաշիվը բացեց Նետուն, ապա Գիբս-Ուայտը 58-րդ րոպեին կրկնապատկեց այն, իսկ խաղի 64-րդ եւ 87-րդ րոպեներին մեկական անգամ աչքի ընկան համապատասխանաբար Վինագրեն եւ Ժոտան: Այսպիսով, «Փյունիկը» պարտվեց ընդհանուր 0:8 հաշվով եւ լքեց հետագա պայքարը:
Հավելենք, որ «Վուլվերհեմփթոնը» Եվրոպա Լիգայի որակավորման փլեյ օֆֆում կմրցի իտալական «Տորինոյի» հետ:
Էդմոն Մարտիրոսյան
.gif)
