Եվրոպա Լիգայի որակավորման փլեյ օֆֆ փուլի «Արարատ – Արմենիա» -«Դյուդելանժ» (2:1) առաջին խաղից հետո լրագրողների հետ է շփվել լյուքսեմբուրգական թիմի գլխավոր մարզիչ Էմիլիո Ֆերրերան.
«Սա է այսօրվա արդյունքը: Մենք պահեր ունեինք, սակայն չօգտագործեցինք դրանք: Լավ գործեցինք երկրորդ կեսում, բայց վերջում գոլ բաց թողեցինք եւ ցավալի պարտություն կրեցինք: Մեր հակառակրոդը շատ հզոր էր, բայց համեմատել չեմ կարող մեր մյուս մրցակիցների հետ, որովհետեւ ամեն թիմ իր ֆուտբոլն է խաղում: Այժմ շատ դժվար է խոսել մյուս փուլ անցնելու մասին:
Կարծում եմ՝ ե′ւ մեզ ե′ւ «Արարատ – Արմենիայի» համար բարդ է այդ հարցին պատասխանելը: Առաջին 15-20 րոպեները բարդ դասավորվեցին, որից հետո սկսեցինք լավ խաղալ, երկրորդ կեսում գոլ խփեցինք, ստեղծեցինք պահեր, որոնք չկարողացանք օգտագործել: Ամեն դեպքում հաշիվը համապատասխանում է խաղին: Մենք ունենք հնարավորություններ, եւ կարծում եմ՝ մրցակցի դաշտում այս արդյունքը վատը չէ` հաշվի առնելով արտագնա գոլը»,- ասել է Ֆերրերան:
էդմոն Մարտիրոսյան
.gif)
