Սեպտեմբերի 8-ին ժամը 17:55-ին Արցախի արտակարգ իրավիճակների ծառայությունից հաղորդում է ստացվել Արցախի ոստիկանության Ստեփանակերտ քաղաքի վարչություն առ այն, որ մայրաքաղաքի Հեքիմյան փողոցի թիվ 10 շենքի բնակարանից մեկից սպանության սպառնալիքի վերաբերյալ ահազանգ է ստացվել:
Արցախի ոստիկանությունից հայտնում են, որ ոստիկանության ծառայողները պարզել են, որ նույն օրը ժամը 17:50-ի սահմաններում նույն շենքի բնակարաններից մեկում վիճաբանություն է առաջացել քաղաքացիական ամուսիններ՝ Ստեփանակերտ քաղաքի բնակիչուհի, 1985թ.ծնված Գ. Ա-ի և Ասկերանի շրջանի բնակիչ, 1961թ.ծնված Մ. Գ-ի միջև, որի ընթացքում Մ.Գ-ն փորձել է խեղդել Գ.Ա-ին, ձեռքերով հարվածներ հասցրել մարմնի տարբեր մասերին և սպանության սպառնալիքներ հնչեցրել վերջինիս հասցեին:
Նշանակվել է դատաբժշկական փորձաքննություն:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:
.gif)
