ՏԵՍԱՆՅՈՒԹ. Սևանում ապօրինի թմրաշրջանառության դեպք է բացահայտվել

Սեպտեմբերի 18-ին ոստիկանության Սևանի բաժնի քրեական հետախույզները, իրացնելով ստացված օպերատիվ տվյալները, Սևանում հայտնաբերել ու թմրամիջոց պահելու և օգտագործելու կասկածանքով բաժին բերման են ենթարկել Ծովագյուղում ապրող 59-ամյա մի տղամարդու։

Բնակարանին կից խորդանոցի զննությամբ հայտնաբերվեց, առգրավվեց ու փաթեթավորվեց մարիխուանայի նմանվող զանգվածներ՝ ընդհանուր 38 գրամից ավելի։ Բերման ենթարկվածի հայտնածով՝ դրանք թմրանյութ են։ Նշանակվել է դատաքիմիական փորձաքննություն։ Հանգամանքները պարզվում են: