«Փաստ» օրաթերթը գրում է․ ՀՀ ԱՆ «Վարդաշեն» քրեակատարողական հիմնարկի նորանշանակ պետ Հրաչյա Այվազյանը ՀՀ բարձրաստիճան պաշտոնատար անձանց էթիկայի հանձնաժողովին է ներկայացրել 2019 թվականին պաշտոնը ստանձնելու հայտարարագիրը:
Էթիկայի հանձնաժողովի պաշտոնական կայքում հրապարակաված տվյալներից տեղեկանում ենք, որ Հ. Այվազյանը հայտարարագրել է « T O Y O T A COROLLA 1.6» մակնիշի ավտոմեքենա: Անշարժ գույք հայտարարագրված չէ:
Հայտարարատու պաշտոնատար անձի դրամական միջոցները պաշտոնը ստանձնելու օրվա դրությամբ կազմել են 8 000 000 ՀՀ դրամ և 12 500 ԱՄՆ դոլար: Հ. Այվազյանի՝ պաշտոնական պարտականությունները ստանձնելու տարվա հունվարի 1-ից մինչև պաշտոնական պարտականությունները ստանձնելու օրը ստացված եկամուտների հանրագումարը կազմել է 9 731 000 ՀՀ դրամ:
Նշված հանրագումարից 6 475 000 ՀՀ դրամը գոյացել է գույքի վաճառքից, իսկ 3 256 000 ՀՀ դրամը՝ կենսաթոշակից:
Հրաչյա Այվազյանը 2016-2017թթ. եղել է Շիրակի կայազորի զինվորական դատախազը: ՀՀ ԱՆ «Վարդաշեն» քրեակատարողական հիմնարկի պետ է նշանակվել 2019թ. օգոստոսին:
Մանրամասները՝ «Փաստ» օրաթերթի այսօրվա համարում
.gif)
