Ադրբեջանը դիվերսիայի հետևանքով ևս մեկ զոհ է տվել

Ֆեյսբուքյան օգտատեր Տիգրան Աբրահամյանը սոցցանցի իր էջում լուսանկարներ է հրապարակել, որին կից գրել է.

Սոցիալական ցանցերի ադրբեջանական տիրույթի մշտադիտարկման արդյունքում հայտնի է դարձել, որ սեպտեմբերի 25-ին մահացել է օրեր առաջ Ֆիզուլիի ուղղությամբ վիրավորում ստացած Ադրբեջանի զինված ուժերի զինծառայող Գուրբաթ Գուրբաթ օղլու Գուլիևը (Qürbət Qürbət oğlu Quliyev)։

Ամենայն հավանականությամ Գուլիևը վիրավորվել է հարավ-արևելյան հատվածում տեղակայված Արցախի պաշտպանության բանակի մարտական դիրքերից մեկի ուղղությամբ ձեռնարկված անհաջող դիվերսիոն ներթափանցման փորձի ժամանակ, քանի որ խոցման օրն ու սահմանագծի ուղղությունը համընկնում են։
Զինծառայողի կոչումն ու այլ տեղեկություններ ճշտվում են։

Փաստորեն Ադրբեջանի զինուժն այդ դիվերսիոն ներթափանցման փորձի ժամանակ երկու կորուստ է ունեցել։
Գուլիևին այսօր են հուղարկավորել, լուսանկարները տեղադրում եմ։
Ադրբեջանի պաշտպանության գերատեսչությունն ինչպես միշտ լռում է։