Իրանի խորհրդարանի խոսնակը չեղարկել է այցը Թուրքիա՝ Սիրիայում ռազմական գործողությունների պատճառով

Իրանի խորհրդարանի խոսնակ Ալի Լարիջանին չեղարկել է Թուրքիա այցը: Այս մասին գրում է ԻՌՆԱ-ն:

Լարիջանին, որը Թուրքիայի խորհրդարանի խոսնակի պաշտոնական հրավերով պետք է Ստամբուլ մեկներ, Սիրիայում Թուրքիայի ռազմական գործողություններից հետո չեղարկել է այցը:

Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր Սիրիայի հյուսիս-արևելքում ռազմական գործողություն սկսելու մասին: Էրդողանի պնդմամբ՝ գործողությունն ուղղված է Քրդական աշխատավորական կուսակցության դեմ:

Հիշեցնենք, որ թուրքական զորքերը Սիրիայի հյուսիսում ռազմական գործողություններ են սկսել: Կրակի տակ են առնվել նաև Սիրիայի հայաբնակ բնակավայրերը: