Արդեն օգոստոսի 9-ից կմեկնարկի Անգլիայի Պրեմիեր Լիգայի առաջնությունը: Թոփ 5 առաջնություններից ամենաշուտը կմեկնարկի հենց անգլիականը: Առաջնության մեկնարկից առաջ չեմպիոնի գլխավոր ֆավորիտները համարվում են «Մանչեստեր Սիթին» եւ «Լիվերպուլը»: Չեմպիոնական պայքարն էլ կլինի Անգլիայի այս առաջնության գլխավոր ինտրիգը: Սակայն հիմա մենք կանդրադառնանք անգլիական հեղինակավոր թիմերից մյուսին` «Մանչեստեր Յունայթեդին», որը վերջին տարիներին, մեղմ ասած, չի գտնվում այն մակարդակի վրա, որին սովոր ենք տեսնել:
Անցած մրցաշրջանի միջնամասում մանկունյական ակումբը պաշտոնանկ արեց թիմի գլխավոր մարզիչ Ժոզե Մոուրինիոյին եւ թիմի ղեկը վստահեց նորվեգացի մասնագետ, թիմի լեգենդար նախկին ֆուտբոլիստ Ուլե Գունար Սուլշերին: Նրա նշանակումից հետո թիմը սկսեց լավ խաղ ցուցադրել, եւ թվում էր, թե վերադարձել է նախկին «Մանչեստեր Յունայթեդը», սակայն որոշ ժամանակ անց «սթափվելուց» հետո մանչեստրյան ակումբը կրկին սկսեց ձախողել: Հիմա արդեն մեկնարկում է նոր մրցաշրջանը. արդյոք անգլիական «հսկան» կկարողանա՞ լուծել թիմում բոլոր խնդիրները եւ պայքար մղել չեմպիոնության համար:
Նոր տրանսֆերներ
«Մանչեստեր Յունայթեդը» միշտ էլ ակտիվ է եղել տրանսֆերային պատուհանների ընթացքում: Այս ամռան ժամանակ թիմը արդեն ձեռք է բերել Դանիել Ջեյմսին եւ Աարոն Վան-Բիսակային: Իտալական «Ինտերի» դեմ խաղում այս ֆուտբոլիստները լավ խաղ անցկացրին: Միլանցիների դեմ փայլեց Վան-Բիսական, ով ճանաչվեց նաեւ հանդիպման լավագույն ֆուտբոլիստ:
Կան խոսակցություններ, որ շուտով անգլիական գրանդը պայմանագիր կկքնի «Լեստերի» պաշտպան Հարի Մագուայերի հետ: Արդեն ընդգծվում է նաեւ այն փաստը, որ թիմը չի լքի առանցքային ֆուտբոլիստներից մեկը` Պոլ Պոգբան:
Սըր Ալեքս Ֆերգյուսոն
Լեգենդար մարզիչ Սըր Ալեքս Ֆերգյուսոնն է գլխավոր «մեղավորը» այս թիմի տիտղոսաշատ պատմություն կերտելու համար: Նրա հեռանալուց հետո թիմը քանդվեց եւ հիմա նոր-նոր փորձում է դառնալ առաջվանը: Ակումբի ներկայիս գլխավոր մարզիչ Ուլե Սուլշերը բազմիցս նշել է, որ Ֆերգին իրենց օգնող գլխավոր անձն է Անգլիայում: Եվ պետք է ասել` եթե նորվեգացին կարողանա պահպանել լավ հարաբերությունները Ֆերգյուսոնի հետ, ապա կստանա «Գրին քարտ» շահելու հնարավորություն: Սուլշերը կարող է նոր թիմ կառուցել նախկին հզորագույնի տրամաբանությամբ եւ հոգեբանությամբ:
Ակումբը չնայել որպես փողի աղբյուր
Անցել են տարիները, եւ փոխվել է նաեւ ֆուտբոլը: Հիմա շատերը զբաղվում են ֆուտբոլով միայն փող վաստակելու համար: Այսպիսի մի իրավիճակում է հայտնվել նաեւ «Յունայթեդը»: Այս խնդիրը գլխավորներից գլխավորն է, որը պետք է լուծի Սուլշերը: Նայելով այս թիմի ֆուտբոլիստներին, տեսնելով նրանց կազմը, ապա հետեւելով նրանց ցուցադրած խաղին` չես կարողանում հասկանալ, թե ինչպես է այդ ամենը հնարավոր:
Այդ բոլորն իրար հետ տանում են այն եզրակացությանը, որը սկսել եւ շարունակում է քանդել ե՛ւ ֆուտբոլը, ե՛ւ ֆուտբոլիստներին:
Մանչեստրյան ակումբի ղեկավարությունը այս առիթով արդեն հանդես է եկել կոշտ հայտարարությամբ եւ նշել, որ թիմից կհեռանան այն բոլորը, որոնք ակումբը կնայեն որպես փողի աղբյուր:
Սրանք կարեւորագույն այն 3 կետերն են, որոնց հաշվին «Կարմիր սատանաները» կարող են կառուցել նոր թիմ եւ վերականգնել ֆերգյուսոնյան երբեմնի փառքն ու հեղինակությունը:
ԷԴՄՈՆ ՄԱՐՏԻՐՈՍՅԱՆ
ԱՆՁՐԵՎ ԵՎ ԱՄՊՐՈՊ
ՀՀ արտակարգ իրավիճակների նախարարությունը զգուշացնում է, որ առաջիկա 5 օրերին հովտային եւ նախալեռնային շրջաններում սպասվում է բարձր կարգի հրդեհավտանգ իրավիճակ: Հանրապետության տարածքում հուլիսի 24-28-ը` կեսօրից հետո, հյուսիսային առանձին շրջաններում սպասվում է կարճատեւ անձրեւ եւ ամպրոպ: Օդի ջերմաստիճանը հուլիսի 24-26-ը կնվազի 4-5 աստիճանով: Երեւանում հուլիսի 24-28-ը սպասվում է առանց տեղումների եղանակ:
.gif)
