«Ժողովուրդ» օրաթերթը գրում է. «Կգնա՞ն ընդդիմադիրները ՀՀ առողջապահության նախարար Արսեն Թորոսյանի հետ հանդիպման՝ քննարկելու «Ծխախոտային արտադրատեսակների եւ դրանց փոխարինիչների օգտագործման հետեւանքով առողջությանը հասցվող վնասի նվազեցման եւ կանխարգելման մասին» նախագիծը: «Ժողովուրդ» օրաթերթի տեղեկություններով` նախօրեին «Իմ քայլը» խմբակցության հատուկենտ պատգամավորների հետ հանդիպումից նախարար Թորոսյանը դժգոհ է մնացել եւ հիմա ցանկանում է նախագիծը քննարկել նաեւ ընդդիմադիր խորհրդարանականների հետ: Գուցե այնտեղ հետաքրքրությունը մեծ լինի:
ԱԺ ԲՀԿ խմբակցության պատգամավոր Սերգեյ Բագրատյանը «Ժողովուրդ» օարթերթի հետ զրույցում հաստատել է մեր տեղեկությունը՝ հայտնելով, որ հրավեր եղել է նախարարից, բայց այդ հանդիպմանը գնալու հարցը դեռ խմբակցությունում չեն քննարկել: «Լուսավոր Հայաստան» խմբակցության պատգամավոր Անի Սասմոնյանն էլ է հաստատել, որ նախարարի հետ հանդիպման առաջարկ են ստացել, սակայն դեռ որոշում չունեն, թե երբ կհանդիպեն նրա հետ»:
Մանրամասները՝ «Ժողովուրդ» օրաթերթի այսօրվա համարում։
.gif)
