Այս պահին ԵՊՀ բանասիրական ֆակուլտետում ակցիա է ընթանում ընդդեմ հայոց լեզվի, պատմության և գրականության առարկաների պարտադիր ուսուցումը բուհական ծրագրերից հանելու նախագծի:
Դիլբարյանի խոսքերով, հայերենի հանդեպ՝ որպես սահմանադրությամբ պետական լեզվի, պատշաճ վերաբերմունք պետք է լինի, պետք է տարանջատվի հայերենի դպրոցական գիտելիքները և բուհական գիտելիքների մակարդակը. «Երբ մենք չափելի դարձնենք հայերենի իմացության մակարդակը, գուցե 20 տարի հետո մտածենք հայոց լեզվի ոչ պարտադիր ուսուցման մասին: Պետք է հստակ նշվի դպրոցական և բուհական չափանիշերը: Մենք Հեղափոխությունից հետո հանգստացանք, բայց մենք մեծ խնդիրներ ունենք»: Լրագրողներից մեկի հարցին, թե որտեղ է Բանասիրական ֆակուլտետի դեկան Արծրուն Ավագյանը, Նարինե Դիլբարյանը հայտնեց, որ ծանոթ է նրա դիրքորոշմանը, սակայն չի կարող ասել, թե որտեղ է նա այս պահին: Նա անբավարար գնահատեց դպրոցներում հայերենի դասավանդումը:
Դիլբարյանը հայտնեց, որ ամբողջ գիտական խորհուրդը բացասական եզրակացություն են տվել նախագծին. «Ամբիոնը նաև բաց նամակ է ուղարկել նախարարին, վարչապետին, նախագահին, ԱԺ նախագահին»:
.gif)
