Թուրքիան ինչպես միշտ բացասական դերակատարություն է ունեցել Հայաստան-Ադրբեջան հարբերությունների վրա, և թուրքական մի շարք ահաբեկչական խմբեր, այդ թվում նաև «Գորշ գայլերը» մասնակցում էին Արցախում ադրբեջանական ստորաբաժանումների ներքո, պատերազմական գործողություների ընթացքում կատարելով վայրագություններ: Անդրադառնալով սահմանային իրավիճակին՝ այս մասին ArmLur.am-ի հետ զրույցում ասաց Արցախի Հանրապետության նախագահի մամուլի խոսնակ Դավիթ Բաբայանի հետ:
«Թուրք զինվորականներն անընդհատ գտնվում են Ադրբեջանական բանակում, որպես խորհրդատուներ, սա ապացուցված փաստ է»,-ընդգծեց նա:
Դավիթ Բաբայանի խոսքով՝ սահմանում, որևէ արտառոց իրավիճակ տեղի չի ունեցել:
«Պաշտպանության բանակը վստահորեն իրականացնում է իր առջև դրված պարտականությունները և մեր սահմանները պահում անառիկ: Ամեն վայրկյան պետք է պատրաստ լինենք հակառակորդի կողմից իրականացվող ցանկացած ոտնձգության»,-նկատեց Դավիթ Բաբայանը:
Մեր զրուցակցի հավելմամբ՝ այս պահին սահմանային իրավիճակը կայուն և վերահսկելի է:
Լիդա Եղիազարյան
.gif)
