Իտալական «Ռոմա»-ի գլխավոր մարզիչ Պաուլու Ֆոնսեկան հայտարարել է, որ Հենրիխ Մխիթարյանը դեռևս պատրաստ չէ խաղադաշտում անցկացնել 90 րոպե:
«Արմենպրես»-ի հաղորդմամբ՝ իտալական Սերիա Ա-ի «Վերոնա»-ի դեմ խաղից առաջ Ֆոնսեկան խոսել է ֆուտբոլիստների մարզավիճակից և շեշտել է, որ թիմը լավացրել է խաղային որակները: «Մխիթարյանը պատրաստ չէ խաղադաշտում անցկացնել 90 րոպե»,-ասել է մասնագետը:
Ֆոնսեկան «Վերոնա»-ին ուժեղ թիմ է համարում և հեշտ խաղ չի ակնկալում: ««Վերոնա»-ն ընթացիկ առաջնությունում երկրորդ լավագույն արդյունքն ունի պաշտպանական գծում»,-շեշտել է նա:
Իտալիայի ֆուտբոլի առաջնության 14-րդ տուրում «Ռոմա»-ն կհյուրընկալվի «Վերոնա»-ին: Թիմի գլխավոր մարզիչ Պաուլու Ֆոնսեկան ներկայացրել է «գայլերի» ընդլայնված հայտացուցակը, որտեղ նաև Մխիթարյանի անունը կա:
Հանդիպումը կկայանա դեկտեմբերի 1-ին՝ կեսգիշերին:
.gif)
