Ռուսաստանին զրկել են միջազգային մրցաշարերին մասնակցելու իրավունքից

Համաշխարհային հակադոպինգային գործակալության (WADA) գործադիր կոմիտեն միաձայն որոշում է կայացրել, որ Ռուսաստանի հակադոպինգային գործակալությունը չի համապատասխանում  Համաշխարհային հակադոպինգային օրենսդրությանը: Այս մասին, ինչպես հայտնում է tass.ru-ն, հայտնել են WADA-ի մամլո ծառայություններից:

WADA-ի պաշտոնական ներկայացուցիչ Ջեյմս Ֆիթսջերալդը հայտնել է, որ Ռուսաստանի դեմ որոշումն ընդունվել է միաձայն:

Այսպիսով WADA-ի օրենսդրության համաձայն, Ռուսաստանը 4 տարով զրկվում է բոլոր միջազգային մրցաշարերին մասնակցելու իրավունքից: Ռուս մարզիկները չեն կարողանա մասնակցել միջազգային մրցաշարերին ՌԴ դրոշի ներքո:  Արգելվել է նաև ռուս բարձրաստիճան պաշտոնյանների ներկայությունը միջազգային մրցաշարերին:

Բանն այն է, որ Ռուսաստանի վրա պարտավորություն էր դրվել  2012-2015 թվականների ընթացքում դոպինգային ուսումնասիրությունների տվյալները և օրինակները ներկայացնել: Սակայն այս տարվա նոյեմբերին WADA-ի կոմիտեն հայտնեց, որ Մոսկվայի լաբորատորիայից հունվարին ստացված տվյալների մեջ կեղծիքներ են հայտնաբերվել: