ԱՄՆ Սենատը քիչ առաջ միաձայն ընդունեց Հայոց ցեղասպանությունը ճանաչող և դատապարտող բանաձեւը: Բանաձևի ընդունմանն անդրադարձել են մի շարք միջազգային լրատվամիջոցներ: Ria.ru կայքը գրում է, որ այս բանաձևի շուրջ քննարկումները շարունակվում են տասնամյակներ: Արդյունքում, այն անցկացվեց Անկարայի հետ Վաշինգտոնի հարաբերությունների կտրուկ վատթարացման պատճառով, իսկ վատթարացման պատճառը թուրքական ռազմական գործողություններն են Սիրիայում: Իր հերթին Թուրքիայի առաջնորդ Ռեջեփ Թայիփ Էրդողանը Վաշինգտոն կատարած այցի ընթացքում ասել է, որ Օսմանյան կայսրությունում Հայոց ցեղասպանության ներկայացուցիչների պալատի կողմից ճանաչումը ստվեր է գցում թուրք-ամերիկյան հարաբերություններին:
Բանաձևի ճանաչմանն անդրադարձել է նաև Interfax.ru կայքը: Դեռևս նոյեմբերին հանրապետական սենատոր Լինդսի Գրեհեմն ասաց, որ Սպիտակ տան պահանջով նա արգելափակել է Սենատում Հայոց ցեղասպանության վերաբերյալ բանաձևի քվեարկությունը: Նույն ամսվա ընթացքում մեկ այլ հանրապետական սենատոր ՝ Դեյվիդ Փուրդուն նույնպես արգելափակեց բանաձևը:
ԱՄՆ Սենատի կողմից Հայոց ցեղասպանության ճանաչման բանաձևի ընդունմանն արձագանքել է նաև Թուրքիան: Ինչպես հաղորդում է ermenihaber.am կայքը, Թուրքիայի նախագահի աշխատակազմի հանրային կապերի բաժնի պետ Ֆահրեթթին Ալթունը, արձագանքելով ԱՄՆ Սենատի կողմից Հայոց ցեղասպանության բանաձևի ընդունմանը, ասել է. «ԱՄՆ Սենատում հայկական բանաձևի ընդունումը վտանգում է մեր երկկողմ հարաբերությունները»:
Ֆրանսիական figaro.fr կայքն անդրադարձել է թեմային` գրելով, որ Թուրքիան «վիրավորվել է» ԱՄՆ սենատի կողմից Հայոց ցեղասպանության ընդունումից:
.gif)
