«Փաստ» թերթը գրում է. «Փաստ» թերթի տեղեկություններով, Արցախում եկող տարի սպասվող ընտրական գործընթացներին ընդառաջ վերստին ակտիվանալու փորձեր է կատարում ՊԲ նախկին հրամանատար Սամվել Բաբայանը:
Ճիշտ է՝ այս տարվա օգոստոսին Ստեփանակերտում տեղի ունեցած հանրահավաքի ժամանակ ՀՀ վարչապետ Նիկոլ Փաշինյանն ընտրությունների հետ կապված հռչակած իր սկզբունքներով փաստացի մերժեց Սամվել Բաբայանին, սակայն խորհրդարանական ընտրություններում հաջողություն գրանցելու համար Բաբայանին օդուջրի պես «զոհի» կերպար է անհրաժեշտ:
Արցախի իշխանությունները Բաբայանի՝ ապակայունացմանը տանող քայլերի վերաբերյալ, որպես կանոն, շատ կտրուկ են:
Արցախում կայունության եւ ցնցումների բացառումը ՀՀ եւ Արցախի իշխանությունների կոնսենսուսային կետերից են, ըստ այդմ, ինչպես պնդում են մեր աղբյուրները, Բաբայանի կողմից ցանկացած քայլ, որը կարող է վնասել Արցախի ներքին կայունությանն ու անվտանգությանը, եւ՛ Արցախի, եւ՛ Հայաստանի իշխանությունների կտրուկ հակազդեցությանը կհանգեցնի»:
Առավել մանրամասն՝ թերթի այսօրվա համարում։
.gif)
