Այս ամիս ԱԺ նիստեր կլինեն

Յոթերորդ գումարման խորհրդարանի ձմեռային նստարջանը կմեկնարկի այս ամիս։ Հետաքրքիր է, որ նախկինում ավանդաբար տոներից հետո նիստերը մեկնարկում էին փետրվարից, սակայն այս տարի նստաշրջանը կսկսվի հունվարի 20-ից, իսկ մինչ այդ էլ տեղի կունենան ԱԺ մշտական հանձնաժողովների նիստեր։ Դրանք կմեկնարկեն մեկ շաբաթ շուտ՝ հունվարի 15-ից։

Իսկ մինչ այդ նշենք, որ մշտական հանձնաժողովների մեկ տարվա աշխատանքի մասին ամփոփ տեղեկատվություն է առկա պաշտոնական կայքում, բացի այդ ներկայացված է նաեւ դեկտեմբեր ամսվա նիստերից բացակաների ցանկը։

Ըստ այդմ, օրինակ ֆինանսավարկային եւ բյուջետայի հարցերի մշտական հանձնաժողովի նիստերի քանակը կազմել է 21-ը՝ 6 հերթական, 3 արտահերթ ։  Հանձնաժողովը գլխադասային է նշանակվել՝ 55 օրենքի նախագծի (որոնցից՝ 3 օրենքների նախագծերի փաթեթներ)՝ ընդունվել են՝ 35, դուրս են եկել շրջանառությունից՝ 3,  դեռեւս չեն ընդգրկվել օրակարգում՝ 16, քննարկվել եւ քվեարկվել է 1-ին ընթերցմամբ՝ 1 եւ 4 համաձայնագրի՝  /հաստատվել են/,

Իսկ օրինակ Առողջապահության եւ սոցիալական հարցերի մշտական հանձնաժողովի նոյեմբեր ամսվա նիստից միայն պատգամավոր Հրաչյա Հակոբյանն է մասնակցել, սակայն դեկտեմբեր ամսվա ընթացքում նիստ չի անցկացվել։ Արտաքին հարաբերությունների հանձնաժողովի նոյեմբեր ամսվա նիստից Սոս Ավետիսյանն ու Էդմոն Մարուքյանը հարգելի են բացակայել, իսկ Վահե Էնֆիաջյանն ու Ալեն Սիմոնյանը՝ ոչ հարգելի։