Հայ մարզչի նշանակման պատճառով ադրբեջանցի ֆուտբոլիստը կհեռանա՞ թիմից

Ղազախական «Տոբոլի» մամուլի քարտուղարությունը տեղեկացնում է, որ թիմի եւ Ադրբեջանի հավաքականի դարպասապահ Էմիլ Բալաեւը չի կարողացել շարունակել թիմի մարզումը վնասվածքի պատճառով: Նշում է, որ ֆուտբոլիստը շուտով կմեկնի Թուրքիա՝ բուժման կուրսեր անցնելու համար:

Արդեն դեկտեմբերի կեսերից, երբ «Տոբոլի» գլխավոր մարզիչ նշանակվեց հայազգի Գրիգորի Բաբայանը, ղազախական լրատվամիջոցները սկսեցին խոսել, որ Բալաեւը կհեռանա ակումբից: Վերջին նորությունների համաձայն՝ ֆուտբոլիստի ծառայություններով հետաքրքրված է Թուրքիայի առաջին դիվիզիոնում հանդես եկող մի ակումբ, որի անունը չի նշվում:

Ավելի վաղ ադրբեջանցի ֆուտբոլիստի գործակալ Ստանիսլավ Ստանիսլավսկին նշել էր, որ ամեն ինչ նորմալ է ու հույս էր հայտնել , որ քաղաքականությունը չի խոչընդոտի Էմիլ Բալաեւի կարիերային:

Էդմոն Մարտիրոսյան