Գևորգ Դանիելյանը՝ կեղծ ընդդիմադիր. Ինչ պաշտոններ են զբաղեցնում նրա դուստրն ու փեսան. «Ժամանակ»

«Ժամանակ» թերթը գրում է. «Մինչ արդարադատության նախկին նախարար, ԲԴԽ նախկին անդամ Գևորգ Դանիելյանը վիրտուալ հարթակում հանդես է գալիս իշխանությունների քննադատությամբ, նրա փեսան՝ Ռուբեն Միքայելյանը (աղջկա ամուսինը) արձանագրում է հերթական կադրային առաջընթացը։

Թեև Ռուբեն Միքայելյանը ժամանակին աշխատել է հարկային տարբեր պաշտոններում, աներոջ «անկումից» հետո նա ևս հեռացել էր պետական համակարգից։ Սակայն արի ու տես, որ հեղափոխությունից հետո ՊԵԿ նախագահ Դավիթ Անանյանի թեթև ձեռքով նա կրկին հայտնվել է համակարգում, ավելին՝ ավելի բարձր պաշտոնում, որպես Արաբկիրի հարկայինի պետ։

Գևորգ Դանիելյանի դուստրն էլ՝ Էլմիրա Դանիելյանը, «Կենտրոն» նոտարական տարածքի նոտարն է»:

Առավել մանրամասն՝ թերթի այսօրվա համարում: