Այսօր Եղվարդի հիվանդանոցի տնօրենը հանդիպեց Կոտայքի մարզպետարանի ներկայացուցչի հետ՝ քննարկելու քաղաքի ծննդատան փակման հարցը։ Հիշեցնենք, որ երեկ Կոտայքի մարզի Եղվարդ քաղաքում բողոքի ակցիաներ էին, որոնք շարունակվում են նաեւ այսօր:
Եղվարդցիները և հարակից բնակավայրերի բնակիչները պայքարում են Առողջապահության նախարարության որոշման դեմ, որով նախատեսվում է փակել քաղաքի ծննդատունը:
Բուժաշխատողները երեկ նշում էին, որ իրենց ծննդատան պայմանները բարվոք են, կա տաք և սառը ջուր, ջեռուցում, շենքը վերանորոգված է և համարվում է 1-ին մակարդակի ծննդատուն։ Նրանց համոզմամբ` առանց հանրային քննարկումների նման որոշումներ չի կարելի կայացնել։
.gif)
