Երևանի ավագանու «Իմ Քայլը» խմբակցությունը հայտարարություն է տարածել. «Հարգելի քաղաքացիներ,
Երևանի ավագանու «Իմ քայլը» խմբակցությունը խստորեն դատապարտում է ատելության խոսքի ցանկացած դրսևորում:
Հայցում ենք ձեր ներողությունը կատարվածի առթիվ:
Վաղը Երևանի ավագանու «Իմ քայլը» խմբակցությունը կգումարի հրատապ նիստ, որից հետո հանդես կգա հայտարարությամբ»:
ՔՊ կուսակցության վերահսկող հանձնաժողովն էլ իր հերթին է հայտարարություն տարածել, նշելով, որ կքննարկեն հարցը.
«Քաղաքացիական պայմանագիր կուսակցության վերահսկող հանձնաժողովն անընդունելի է համարում «Իմ Քայլը» ավագանու խմբակցության անդամ, Քաղաքացիական պայմանագիր կուսակցության անդամ Հենրիկ Հարթենյանի ֆեյսբուքյան հայտարարությունը, որը միանշանակ հակասում է կուսակցության կողմից որդեգրած արժեքներին և սկզբունքներին: Ատելության խոսքն ու անհանդուրժողականությունը խիստ դատապարտելի են: Միջադեպը կքննվի վերահսկող հանձնաժողովում»:
Հիշեցնենք, որ իմքայլական ավագանի Հենրիկ Հարթենյանը ֆեյսբուքյան իր էջում հրապարակել էր ՍԴ նախագահ Հրայր Թովմասյանի դուտր Սառա Թովմասյանւ ֆեյսբուքյան էջի լուսանկարը և գրել.
«Հ. Թովմասյանի աղջկա ֆբնա, ձեզ տեսնեմ ժողովուրդ ջան»:
Այս գրառումից հետո սկսվեց քննադատությունների ալիք, արձագանքել են շատերը, այդ թվում Մարդու իրավունքների պաշտպան Արման Թաթոյանը:
.gif)
