Եթե նույնիսկ, այդ գրիչը եղել է, արդյոք դա որևէ բան նշանակո՞ւմ է, չեմ կարող ասել: Չեմ կարծում, որ սա այնքան երկար սպասված ապացույցն է, որ ներկայացրեց Նիկոլ Փաշինյանը: Այս մասին ասաց ՀՅԴ Բյուրոյի գերագույն խորհուրդի անդամ Տարոն Տոնոյանը՝ անդրադառնալով ՀՀ վարչապետ Նիկոլ Փաշինյանի «բացահայտմանը»՝ կապված ՍԴ նախագահ Հրայր Թովմասյանի «մարտահրավերի»:
«Դաշնակցությունն այսօր շարժվում է իր օրակարգով: ՀՅԴ-ն որոշում ունի՝ ընդդիմադիր ուժերի առանցք դառնալ: Պատրաստվում ենք հերթական արտահերթ ընտրություններին՝ ամեն րոպե մեր շարքերը ուժեղացնելով: Մենք ուզում ենք հասկանալի դառնալ ժողովրդին այն իմաստով, որ երբեք չենք աջակցել և աջակցելու անցյալի ուժերի վերադարձին»,- ընդգծեց Տարոն Տոնոյանը:
ՀՅԴ Բյուրոյի գերագույն խորհուրդի անդամի խոսքով՝ այսօրվա իշխանությունները ժողովրդին վախեցնում են անցյալի վերադարձով, որի փոխարեն կարող են գործով զբաղվել, որը, ցավոք սրտի, ներկա իշխանություններին դեռևս չի հաջողվում անել:
Ինչ վերաբերում է Սահմանադրական դատարանում առկա ճգնաժամին, մեր զրուցակիցն ասաց, թե շատ բարդ հեղինակության հարց է.
«Դժվարանում եմ պատասխանել»:
Լիդա Եղիազարյան
.gif)
