«Քաղցկեղը չպետք է համարվի դատավճիռ». պաշտոնյաներից ովքեր են միացել ֆլեշմոբին

Փետրվարի 4-ը քաղցկեղի դեմ պայքարի միջազգային օրն է, փետրվարի 15-ը մանկական քաղցկեղի դեմ պայքարի միջազգային օրը:

Համաշխարհային տվյալներով մանկական քաղցկեղային հիվանդությունների թիվն աճում է` տառա​պանքներ պատճառելով բազմաթիվ երեխաների և նրանց ընտանիքներին:

Յուրաքանչյուր տարի աշխարհում հայտնաբերվում է մանկական  քաղցկեղի մոտ 200,000 նոր դեպք և ամեն օր 250 երեխա մահանում է քաղցկեղից: Ըստ Հայաստանյան վիճակագրական տվյալների՝ ամեն տարի Հայաստանում միջինում 80-100 երեխայի մոտ քաղցկեղ է ախտորոշվում: Սակայն, այս հիվանդության մահացու ելքից կարելի է խուսափել վաղ կանխարգելման միջոցով:

Այս օրերին  տարբեր հասարակական-քաղաքական գործիչներ համացանցի իրենց էջերում ֆլեշմոբ են իրականացնում՝ տեղադրելով լուսանկարներ եւ գրելով.

«Այս լուսանկարով ես միանում եմ քաղցկեղի դեմ միասնական պայքարին, քանի որ վստահ եմ, որ քաղցկեղը չպետք է համարվի դատավճիռ: Միացի՛ր և դու: Միասին մենք կարող ենք կյանքեր փրկել»: