Այսօր վաղ առավոտից Արմավիրի մարզի Առատաշեն համայնքի բնակիչները բողոքի ակցիա են իրականացնում համայնքների խոշորացման դեմ:
ArmLur.am-ի հետ զրույցում Առատաշեն համայնքի ղեկավար Վահրամ Հարությունյանը հայտնեց, որ տեղյակ չէ բնակիչների կողմից իրականացվող բողոքի ակցիայի մասին:
«Անկեղծ ասած ես տեղյակ չեմ, թե ինչ ակցիա են իրականացանում բնակիչները: Համայնքների խոշորացման մասին իմացել ենք չորս օր առաջ»,-ասաց համայնքի ղեկավարը:
Վահրամ Հարությունյանը մեզ հետ զրույցում նշեց, որ դեռ չի հասկանում, թե համայնքների խոշորացումը լավ անդրադարձ կունենա բնակիչների, գյուղի վրա, թե ոչ:
Հիշեցնենք, որ 2020-2021թթ. Արմավիրի մարզում սպասվում է համայնքների խոշորացում: Թեև համայնքներում պաշտոնապես քննարկումներ չեն ծավալվել, լսումներ տեղի չեն ունեցել, սակայն, տեղեկատվական արտահոսքն ու սպասվող միավորումներն անհանգստացրել են մարզի համայնքներին և բնակիչներին:
Լիդա Եղիազարյան
.gif)
