ՏԵՍԱՆՅՈՒԹ. «Ռեալն» ու «Բարսելոնան» ձեռք ձեռքի տված դուրս մնացին պայքարից

Կայացավ Իսպանիայի Արքայական գավաթի խաղարկության 1/4 եզրափակչի վերջին երկու հանդիպումները:

Հաղթողի գլխավոր ֆավորիտներից մեկը՝ Մադրիդի «Ռեալը» տանը 3:4 հաշվով զիջեց «Ռեալ Սոսիեդադին» եւ լքեց հետագա պայքարը: Մադրիդիցիներից մեկալան անգամ աչքի ընկան Մարսելոն (59‘), Ռոդրիգոն (81‘) եւ Նաչոն (90+3‘): «Սոսիեդադից» դուբլ ձեւակերպեց Ալեքսանդր Իսակը (54‘,56‘), մեկական անգամ էլ գոլի հեղինակ դարձան Մարտին Էդեգորն(22‘) ու Միկել Մերինոն(69‘):

Քառորդ եզրափակչի մյուս անակնկալը տեղի ունեցավ «Սան Մամեսում», որտեղ տեղի «Ատլետիկ Բիլբաոն» 1:0 հաշվով հաղթեց «Բարսելոնային» ու մտավ կիսաեզրափակիչ:

Երկրորդ խաղակեսում մրցավարի կողմից ավելացված 3-րդ րոպեին ինքնագոլի հեղինակ դարձավ Սերխիո Բուսկեցը:

Այսպիսով, Արքայական գավաթի կիսաեզրափակչում չենք տեսնի հաղթողի գլխավոր ֆավորիտներին ` «Ռեալ Մադրիդին» եւ «Բարսելոնային»:

Էդմոն Մարտիրոսյան