Ինչու է կանաչ բանանն օգտակար

Կանաչ բանանը հատկապես շատ է օգտագործվում Լատինական Ամերիկայի երկրներում։ Steptohealth.ru-ն գրում է, որ այս միրգը պարունակում է բջջանյութ, կալիում, վիտամին C, բետա-կարոտին։ Բանանը նաև վիտամին B6 և երկաթ է պարունակում։ Կանաչ բանանն էներգիա է հաղորդում և այլ օգտակար հատկություններ ունի։

Լավացնում է սրտի աշխատանքն ու կարգավորում սրտի ռիթմը։ Բանանը մեծ քանակով կալիում է պարունակում, որը նպաստում է սրտի ռիթմի կարգավորմանը։ Այս էլեմենտն օգնում է նորմայի սահմաններում պահել զարկերակային ճնշումն ու կանխարգելել առիթմիան։ Միջին չափի կանաչ բանանը մոտավորապես 400 մգ կալիում է պարունակում։

Օգնում է գաստրիտի և ստամոքսի հետ կապված այլ խնդիրների դեպքում։ Կանաչ բանանն օգնում է պաշտպանել ստամոքսի լորձաթաղանթը։ Այն խորհուրդ է տրվում գաստրիտի, բարձր թթվայնության, խոցի դեպքում։

Օգնում է պայքարել աղիների բորբոքման դեպքում։ Կանաչ բանանի օգտագործումը կարող է օգնել վերականգնել աղիների միկրոֆլորան։

Ամրացնում է իմունիտետը։ Կանաչ բանանը հարուստ է B6 վիտամինով, որն անհրաժեշտ է իմունային համակարգի նորմալ աշխատանքի համար։

Կարող է օգնել իջեցնել ճնշումը։ Կալիումը շատ կարևոր է օրգանիզմի համար, քանի որ օգնում է լավ վիճակում պահել անոթները, ինչը կարևոր է սրտամկանի աշխատանքի համար։ Բարձր ճնշման դեպքում խորհուրդ է տրվում նաև մեծացնել կալիումի, մագնիումի և կալցիումի օգտագործումը, իսկ բանանը պարունակում է այս միկրոէլեմենտները։

Իջեցնում է խոլեստերինի մակարդակը։ 200 գրամ կանաչ բանանը պարունակում է մինչև 5 գրամ սպիտակուց, ինչն օգնում է իջեցնել արյան մեջ խոլեստերինի մակարդակը։ Սա հնարավորություն է տալիս կանխարգելել ճարպակալումը, դիաբետը, առողջության հետ կապված այլ խնդիրներ։

Կանխարգելում է ավելորդ ճարպերի կուտակումը։ Կանաչ բանանը երկար ժամանակով հագեցնում է օրգանիզմը, չի պարունակում ճարպեր։ Եթե ցանկանում եք ազատվել ավելորդ կիլոգրամներից, կարող եք կանաչ բանանը ներառել ձեր սննդակարգ։ Միայն թե մի մոռացեք, որ հարկավոր է այն օգտագործել սահմանափակ քանակով, քանի որ այն շատ ածխաջրեր է պարունակում։