ՏԵՍԱՆՅՈՒԹ․Բացառում եմ՝ Սերժ Սարգսյանի կողմից լիներ այդպիսի փաստաթուղթ եւ ես չիմանայի․ պարտավոր էին ինձ տեղյակ պահել․ Վիտալի Բալասանյանը՝ տարածքներ զիջելու մասին

Արցախում փետրվարի 26-ին մեկնարկել են նախագահի ու պատգամավորի թեկնածուների քարոզարշավը ։ Ինչպես հայտնի է, համապետական ընտրությունները տեղի կունենան մարտի 31-ին, եւ որպես նախագահի թեկնածու առաջադրվել է 14 անձ։  ArmLur.am-ը զրուցել է «Արդարություն» կուսակցության նախագահի թեկնածու Վիտալի Բալասանյանի հետ։

-Պարո՛ն Բալասանյան, փետրվարի 26-ից քարոզարշավը մեկնարկել է։ Ինչպե՞ս կգնահատեք ընթացքը։

-Մենք մեկնարկը շատ լավ տվել ենք, գոհ ենք մեր ընթացքից, հանդիպումներից։ Հանդիպումները շատ ակտիվ են ,եւ այնպես չէ, որ ես ժողովրդի հետ հանդիպում եմ ընտրությունից ընտրություն։ Ես՝ որպես պատգամավոր, հրամանատար, նաեւ 2016 թվականի ապրիլյան պատերազմից հետո շատ բնակավայրերում եմ եղել։ Մեզ մոտ ամեն ինչ ակտիվ է։ Շատ մտահոգող հարցեր կան ժողովրդի մոտ, կան անվտանգության հարցեր, որ վերաբերում է առաջնագծին ու Արցախյան հակամարտությանը։ Հատկապես հեղափոխությունից հետո մեծ մտահոգություն է առկա, նաեւ այդ մասին խոսում է Հայաստանի քաղաքական ղեկավարը։ Ինձ  հետ հանդիպումներում այդ հարցն են բարձրաձայնում։ Եվ վերջին շրջանում փակ շղթա է դարձել, քանի որ այդ պարզությունը չկա։ Չկա բացվածք, որպեսզի ժողովուրդն իմանա՝ ինչի մասին է խոսքը։

-Սակայն ասում են՝ նախկինում Արցախի իշխանությունները տեղյակ չեն եղել, թե ինչ բանակցություններ են տարվում։

-Նման բան չկա։ Մինսկի խմբի համանախագահները միշտ այցելել են, հանդիպումներ կազմակերպել։ Տեղյակ են պահել՝ ինչի մասին է խոսքը եւ ժամանակ առ ժամանակ այդպիսի բաց չի եղել, միշտ տեղյակ են պահել։ Մի քանի օր առաջ էլ հանդիպել ենք հանրապետության նախագահի հետ մի քանի թեկնածուներով եւ եւս բարձրաձայնել այդ հարցը։ Հայաստանի իշխանություններն այժմ մտածում են մի բան, ասում մեկ այլ բան, կատարում՝ երրորդը։

-Վերջերս ՀՀ վարչապետ Նիկոլ Փաշինյանը խոսեց մի պլանի մասին, ըստ որի պետք է տարածքներ հանձնվեին Սերժ Սարգսյանի կողմից։ Ձեզ ի՞նչ է հայտնի այդ մասով։

-Ես պատահական մարդ չեմ։ Իմ չափանիշի մարդու պարագայում բացառվում է լիներ այդպիսի փաստաթուղթ, եւ ես տեղյակ չլինեի, պարտավոր էին ինձ տեղյակ պահել, սակայն չի եղել նման փաստաթուղթ։

Մանրամասները՝ տեսանյութում:

Նաիրա Հովհաննիսյան, Հովսեփ Հովսեփյան

Արցախ