Չեխիան փակում է իր սահանները

Քիչ առաջ Չեխիայի կառավարությունը որոշում է կայացրել, որի համաձայն մարտի 16-ի կեսգիշերից երկիրը փակելու է իր ցամաքային և օդային սահմանները:

Վարչապետ Անդրեյ Բաբիշը հայտարարել է, որ մարտի 16-ից երկրի քաղաքացիներին, ինչպես նաև Չեխիայի տարածքում մշտական հիմունքներով բնակվող օտարերկրացիներին արգելվում է լքել երկիրը: Երկրի տարածք մուտք գործելու իրավունք կունենան բացառապես այդ պահին արտերկրում գտնվող Չեխիայի քաղաքացիները, ինչպես նաև Չեխիայում բնակության մշտական իրավունքով օժտված օտարեկրացիները: