Հայաստանի ազգային հավաքականի խաղերը չեղարկվեցին ՝ կորոնավիրուսի տարածումը կանխելու նպատակներով

Հաշվի առնելով կորոնավիրուսի տարածումը աշխարհի բազմաթիվ երկրներում եւ անվտանգության նկատառումներից ելնելով՝ մարտի 26-ին նախատեսված Ուզբեկստան-Հայաստան եւ մարտի 30-ին նախատեսված Ղազախստան-Հայաստան ընկերական հանդիպումները չեն կայանա:

Այս մասին տեղեկացնում է ՀՖՖ պաշտոնական կայքը։ Վաղը՝ մարտի 17-ին, ՈՒԵՖԱ-ի կողմից կլինի հայտարարություն իր հովանու ներքո անցկացվող բոլոր մրցաշարերի վերաբերյալ: Ամենայն հավանականությամբ, կհետաձգվեն նաեւ Եվրոպայի մինչեւ 21 տարեկանների առաջնության որակավորման փուլի՝ մարտին կայանալիք հանդիպումները:

Հիշեցնենք, որ կորոնավիրուսով վարակվածների թիվը ողջ աշխարհում հասնում է 170․000-ի, մահացությունների թիվը՝ 7000-ի։

Էդմոն Մարտիրոսյան