Թուրինի «Յուվենտուսի» առաջատար Կրիշտիանու Ռոնալդուն եւ թիմի մյուս ֆուտբոլիստները կհրաժարվեն իրենց աշխատավարձերի զգալի մասից, որպեսզի օգնեն թուրինյան թիմին կորոնավիրուսի տարածման պատճառով առաջացած ճգնաժամը հաղթահարել սպասվածից ավելի հեշտ: Թիմի ավագ Ջորջիո Կիելինին, իր խաղընկերներին առաջարկել է հրժարվել իրենց աշխատավարձների ինչ-որ մասից: Այս մասին տեղեկացնում է Tuttosport-ը: Ըստ աղբյուրի` իտալացին դա քննարկել է «Յուվենտուսի» ազդեցիկ ֆուտբոլիստների, այդ թվում ՝ Կրիշտիանու Ռոնալդուի հետ, ով դրական է արտահայտվել Կիելինիի գաղափարի վերաբերյալ եւ համաձայնել աշխտավարձի իջեցման: Նշվում է, որ Կիելինին այս թեմայի շուրջ զրուցել է նաեւ թուրինցիների նախագահ Անդրեա Անյելիի եւ գլխավոր տնօրեն Ֆաբիո Պարատիչիի հետ:
Հիշեցնենք, որ եվրոպական թոփ 5 առաջնությունները դադարեցված են COVID-19 կորոնավիրուսի տարածման պատճռով:
Էդմոն Մարտիրոսյան
.gif)
