Կապիտալ ծրագրերի իրականացման ընթացին վերաբերող խորհրդակցության ժամանակ վարչապետ Նիկոլ Փաշինյանն այսօր խոսելով կորոնավիրուսով վարակված ՀՀ քաղաքացիների մասին նշեց, որ բուժման մեջ գտնվողներից 500-ն ըստ էության որևէ բուժում չի ստանում, որովհետև նույնիսկ ջերմություն չունի: «Այս պահի դրությամբ 720 մարդ գտնվում է բուժման պրոցեսի մեջ:
Իհարկե այնքանով, որքանով այդ բուժումը կարելի է համարել այդպիսին, քանի որ մեծամասնությունը՝ ավելի քան 500 մարդ, ըստ էության որևէ բուժում չի ստանում, որովհետև նույնիսկ ջերմություն չունի: Բայց, այնուամենայնիվ, այդ մարդիկ վարակակիրներ են եւ նրանց պետք է պահել նման պայմաններում, որպեսզի վարակի տարածումը կանխարգելվի»,-ասաց վարչապետը:
Նիկոլ Փաշինյանը նաև նշեց, որ այս պահին աշխարհում կա 1 մլն 119 հազար կորոնավիրուսի հաստատված դեպք: Արձանագրվել է 59 հազար 245 մահ, առողջացել է 229 հազար 338 մարդ:
Մանրամասները` տեսանյութում
.gif)
