«Ժողովուրդ» օրաթերթը գրում է․ «ՀՀ Գլխավոր դատախազության 2019 թվականի տարեկան զեկույցն արդեն ուղարկվել է Ազգային ժողով։ «Ժողովուրդ» օրաթերթն, ուսումնասիրելով փաստաթուղթը, տեղեկացավ, որ այն բաղկացած է մոտ 186 էջից եւ անդրադարձ է կատարված տարբեր ոլորտների, այդ թվում՝ կոռուպցիայի դեմ պայքարին եւ արձաննագրված արդյունքներին։ Այսպիսով, 2018թ. համեմատ 2019թ. 95-ով կամ 4,7%-ով աճել է կոռուպցիոն բնույթի դեպքերով ՀՀ իրավասու մարմինների վարույթում նախապատրաստված նյութերի քանակը, որին հակառակ, նույն՝ 4,7%-ով կամ 70-ով նվազել է հարուցված քրեական գործերի քանակը՝ կազմելով 1399:
2019 թվականի ընթացքում ՀՀ նախաքննական մարմինների վարույթում քննված կոռուպցիոն բնույթի 2625 քրեական գործերով քրեական հետապնդման են ենթարկվել ընդհանուր 1264 անձինք: Այսինքն, 2019թ. ընթացքում քրեական հետապնդման է ենթարկվել 314-ով ավելի անձ, քան նախորդ տարվա ընթացքում։
Ըստ այդմ, 2019թ. ընթացքում քննված կոռուպցիոն բնույթի քրեական գործերով քրեական հետապնդման ենթարկված անձանցից 530-ը (2018թ․-470) հանդիսացել են պաշտոնատար անձինք և հանրային ծառայողներ։ Նրանցից են 2 պաշտոնաթող նախագահ, 1 նախագահի աշխատակազմի նախկին ղեկավար, 2 դատավոր, 1 նախկին գլխավոր դատախազ, ոստիկանության 27 աշխատակից, այդ թվում՝ ոստիկանության նախկին պետ եւ տեղակալներ, ՊԵԿ նախկին նախագահ, նախկին մարզպետ»։
Մանրամասները՝ «Ժողովուրդ» օրաթերթի այսօրվա համարում։
.gif)
