«Նիկոլ Փաշինյանը ճիշտ էր, ես սխալվեցի», հենց այս խոսքերով ուղիղ երկու տարի առաջ հրաժարական տվեց ՀՀ երրորդ նախագահ Սերժ Սարգսյանը։
«Երևի միայն նա գիտի, թե ինչ սխալի մասին է խոսքը, իսկ իր հրաժարականը, կարծում եմ, ոչ թե բարի կամքի դրսևորում էր, այլ ժողովրդի պահանջը, որը չկատարելու դեպքում հետևանքները շատ ավելի ծանր կլինեին»,- այս մասին ArmLur.am-ի հետ զրույցում ասաց «Իմ քայլը»խմբակցության պատգամավոր Արգիշտի Մեխակյանը՝ անդրադառնալով երկու տարի առաջ Սերժ Սարգսյանի հրաժարականին և նրա հայտնի «սխալին»։
«Անկեղծ ասած, ես նույնպես սպասում եմ, թե ինչի մասին պետք է նա խոսի, ինչ նոր ասելիք ունի , ինձ թվում է բոլորին էլ հետաքրքիր է դա»,֊ընդգծեց նա։
Անդրադառնալով ՀՀ վարչապետ Նիկոլ Փաշինյանի վերջին հայտարարություններին՝ Արգիշտի Մեխակյանը նշեց. «Պետական ապարատը նախկինում եղել է ծանոթի ծանոթներով համալրված, վարչապետն էլ խոստացել էր, որ կադրային ջարդ չի լինելու, և փոխանակ նրանք իրենց մասնագիտական ունակությունները ներդնեին և համակարգն ավելի առողջացնեին , ենթադրում եմ , նրանք գնացել են այլ ուղղությամբ՝ իրենց գործ տվողներին փորձելով ինչ֊որ ծառայություններ մատուցել»։
Լիդա Եղիազարյան
.gif)
