COVID-19 կորոնավիրուսի տարածման պատճառով շարունակում են դադարեցված մնալ եվրոպական բոլոր ֆուտբոլային առաջնությունները` բացառությամբ Բելառուսի Բարձրագույն խմբի առաջնության:
ArmLur.am-ն առանց ֆուտբոլի մնացած հանրությանը առաջարկում է դիտել 2015 թվականին լույս տեսած «Ռոնալդու» փաստավավերագրական ֆիլմը: Ֆուտբոլի պատմության լավագույններից մեկի` Կրիշտիանու Ռոնալդուի կյանքին, անցած դժվարություններին ծանոթանալու եւ վերջինիս «կատարելության» գաղտնիքը իմանալու համար, կարելի է դիտել «Ռոնալդու» ֆիլմը:
«Ոսկե Գնդակի» արդեն հնգակի դափնեկրի մասին ֆիլմը նկարահանվել է Universal կինոստուդիայում: Նկարահանումները սկսվել են 2014 թվականին եւ ավարտվել 2015-ին: Կրիշտիանուն ֆիլմի շնորհանդեսից հետո ասել էր.«Նրանք փնտրում էին լավագույնին. դա է պատճառը, որ Մեսսիի փոխարեն իմ մասին են ֆիլմ նկարել»:
Ի դեպ, ֆիլմում անդրադարձ կա նաեւ Ռոնալդուի «հավերժական» մրցակցին` Լեո Մեսսիին:
Էդմոն Մարտիրոսյան
.gif)
