Իսպանիայի ֆուտբոլի Թագավորական ֆեդերացիայի բժիշկների ասոցիացիայի նախագահ Ռաֆայել Ռամոսը նշել է, որ մրցաշրջանի վերսկսման դեպքում գնդակներն ու դաշտը ստերիլիզացվելու են խաղերից առաջ եւ ընդմիջմանը.
«Գնդակից վարակվելու հավանականությունը մեծ չէ: Այն ամենը, որոնք հարկավոր են օգտագործել հանդիպման ընթացքում կմանրէազերծվեն խաղից առաջ եւ ընդմիջմանը` այդ թվում նաեւ խաղադաշտը: Գնդակից կարելի է վարակվել, բայց ստերիլ դաշտում օգտագործվելիք ախտահարված գնդակը գրեթե անվտանգ է։ Ֆուտբոլիստները միմյանց հետ չեն շփվի այնպես, ինչպես նախկինում ։ Մենք ձեզ հետ կտեսնենք ֆուտբոլի մեկ այլ տեսակ։ Ամեն ինչ կլինի մի փոքր այլ: Ֆուտբոլիստները չեն տոնի խփած գնդակները միմյանց հետ գրկախառնվելով»,- Ռամոսի խոսքերն է փոխանցում EL Pais-ը:
Հիշեցնենք, որ Լա լիգայի ընթացիկ մրցաշրջանը դադարեցված է կորոնավիրուսի տարածման պատճառով:
Էդմոն Մարտիրոսյան
.gif)
