Ի պատասխան այս օրերին քաղաքացիներից ստացված ավելի քան երեք հազար հարցումների՝ հայտնում ենք, որ մինչև ս/թ․ մայիսի 10-ը Մոսկվայից դեպի Հայաստան չվերթ չի նախատեսվում։ Այս մասին տեղեկացնում է ՌԴ-ում ՀՀ դեսպանատանունը։
«Նշենք, որ հնարավոր չվերթի կազմակերպման աշխատանքները կրում են շարունակական բնույթ։ Ժամկետի վերաբերյալ առավել հստակ տեղեկատվություն ստանալուն պես կհայտնենք։
Պատասխանելով նաև քաղաքացիների կողմից բարձրաձայնվող բնակարանային վարձավճարների տրամադրման/փոխհատուցման վերաբերյալ հարցերին՝ նշենք, որ դեսպանությունը ցանկացած աջակցության տրամադրման հարցում ելնում է առկա հնարավորություններից, մինչդեռ նման օժանդակության տրամադրումը, ցավոք, այդ հնարավորությունների շրջանակից դուրս է։ Կրկին խնդրում ենք ըմբռնումով մոտենալ ստեղծված իրավիճակին»,- ասված է դեսպանատան հայտարարության մեջ։
.gif)
