Հայրենական մեծ պատերազմի հարգելի վետերաններ, Արցախյան հերոսամարտի ազատամարտիկներ, սիրելի հայրենակիցներ,
Շնորհավորում եմ ձեզ մայիսի 9-ի՝ հաղթանակի և խաղաղության օրվա առթիվ:
Հերոս տղաների քաջության և սխրանքի շնորհիվ ձեռք բերված հաղթանակները թող մշտապես պահապան լինեն մեզ՝ մեր խաղաղ և հուսալի վաղվա օրը կառուցելու հարցում:
Եռատոնի կապակցությամբ բոլորիս մաղթում եմ խաղաղություն և նորանոր հաղթանակներ` մեր անկախ պետականության ամրապնդման գործում:
Հայ ժողովուրդն իր մեծ ներդրումն է ունեցել Հայրենական մեծ պատերազմի հաղթական ավարտի գործում, և այս հաղթանակից տարիներ անց, Շուշիի բարձունքներում, հերոս ազատամարտիկների ցուցաբերած քաջության և անպարտ ոգու շնորհիվ մենք կրկնակի հաղթանակ և Արցախի պաշտպանության բանակի ստեղծման օրն ենք տոնում, որն էլ միշտ կուղեկցի մեզ և կդաստիարակի բազում սերունդների:
Մայիսի 9-ը ոչ միայն առիթ է հպարտությամբ ու ուրախությամբ նշելու պատմական հաղթանակները, այլև միևնույն ժամանակ գլուխ խոնարհելու բոլոր այն զոհերի հիշատակի առջև, ում կյանքի գնով ձեռք բերվեցին այդ հաղթանակները:
Թող խաղաղությունն ու հաջողությունը միշտ ուղեկցեն հայ ժողովրդին և մեր երկրին:
.gif)
