Կփոխհատուցվի ուսուցիչների և աշակերտների տրանսպորտային ծախսերը

ՀՀ կրթության, գիտության, մշակույթի եւ սպորտի նախարարության կողմից ներկայացվել է հանրակրթական դպրոցների մանկավարժներին եւ դպրոցահասակ երեխաներին տրանսպորտային ծախսերի փոխհատուցման կարգն ու հաշվետվության ձեւերը:
ArmLur.am-ը տեղեկացավ, որ փոխհատուցում տրվում է Հայաստանի մարզերում տեղակայված հաստատությունների այն ուսուցիչներին որոնք աշխատում են իրենց փաստացի բնակության վայրից 5 կմ-ից ավելի հեռու բնակավայրի դպրոցում: Ի դեպ, 2022 թվականի հունվարի 1-ից հետո՝ փոխհատուցում կստանան նաեւ ուսուցչի օգնականներն ու հատուկ մանկավարժները: Բացի այս, փոխհատուցում կտրվի նաեւ դպրոցահասակ երեխաներին, որոնք իրենց փաստացի բնակության համայնքում հաստատության բացակայությամբ պայմանավորված ուսումը ստանում են այլ բնակավայրում: Մեզ հայտնի դարձավ, որ փոխհատուցման առավելագույն չափ է համարվում հաշվարկված երկու ուղղությամբ` յուրաքանչյուր ներկա ստացած օրվա համար:

Իսկ միկրոավտոբուսային եւ ավտոբուսային երթուղիների բացակայության դեպքում՝ յորաքանչյուր կմ-ի համար 25 դրամ՝ բայց ոչ պակաս 200 դրամը։ Ամսական փոխհատուցման առավելագույն չափը յուրաքանչյուր ուսուցչի եւ դպրոցահասակ երեխայի համար չի կարող գերազանցել 20 հազար 200 դրամը, իսկ երթեւեկ օրերի թիվը՝ 1-ին եւ 2-րդ դասարանների աշակերտների դեպքում տարեկան 160-ը, հնգօրյա շաբաթական ուսուցում կազմակերպվելու դեպքում տարեկան 170-ը, վեցօրյա շաբաթական ուսուցում կազմակերպվելու դեպքում տարեկան 204-ը։ Տեղեկացնենք, որ այս որոշման մասին նախագիծը դրվել է քննարկման. այս պահին այն հավաքել է 4 կողմ եւ 0՝ դեմ ձայներ: Չէ որ այսօր մեր հանրապետության շատ մարզերում բազմաթիվ են այն գյուղերը, որտեղ դպրոցները փակվել են, իսկ աշակերտները հաճախում են հարեւան գյուղի դպրոց: Հուսանք՝ 20 հազար 200 դրամը կբավարարի այս ծախսերը ծածկելու համար:
Ս.Հ.