ԱԿԱԴԵՄԻԱԿԱՆ ՔԱՂԱՔԻ ՍՏԵՂԾՈՒՄԸ ԳՈՐԾՆԱԿԱՆ ՓՈՒԼՈՒՄ Է

Հայաստանի կառավարությունը հաստատեց «Ակադեմիական քաղաք» հիմնադրամ ձեւավորելու որոշումը. հիմնադրամը ներգրավված կլինի Ակադեմիական քաղաք ստեղծելու ծրագրի իրականացման  ամբողջ շրջափուլում, այնուհետեւ կիրականացնի Ակադեմիական քաղաքի կառավարումը։

Նախագիծը կառավարության նիստում ներկայացրեց ՀՀ կրթության, գիտության, մշակույթի եւ սպորտի նախարար Ժաննա Անդրեասյանը։

Նախարարն ընդգծեց, որ «Կրթության մինչեւ 2030 թվականի զարգացման պետական ծրագիրը հաստատելու մասին» օրենքի համաձայն՝ նախատեսված է, որ պետք է ձեւավորվի Ակադեմիական քաղաք, որը կհանդիսանա որակյալ բարձրագույն կրթության եւ հետազոտության համար արդիական կրթական միջավայր։ Օրենքի համաձայն՝ Ակադեմիական քաղաքը պետք է ապահովի ուսումնական հաստատությունների, գիտական ու արտադրական կազմակերպությունների միջեւ ցանցային համագործակցության ընդլայնումը։

«Ակադեմիական քաղաքի միջոցով մենք հասցեագրելու ենք նաեւ կրթության ռազմավարությամբ սահմանված մի շարք կարեւորագույն թիրախների ապահովումը, որոնցից են առնվազն 4 բարձրագույն ուսումնական հաստատություն միջազգային վարկանիշային աղյուսակների լավագույն 500-յակի մեջ ունենալը, օտարերկրյա ուսանողների թիվը առնվազն կրկնապատկելը՝ բարձրացնելով բարձրագույն կրթության համակարգի միջազգային հեղինակությունը»,- մանրամասնեց նախարարը։

Ակադեմիական քաղաքը բաղկացած կլինի 3 կլաստերներից, որտեղ տեղակայված կլինեն համապատասխանաբար արվեստների ուղղության համալսարանը, տեխնոլոգիական ուղղվածության համալսարանը, իսկ երրորդ կլաստերը, որը բավական մեծ է, կարող է ընդգրկել ինչպես կրթական,  սպայական ուղղվածության բուհերին, այնպես էլ հյուրընկալել միջպետական ու մասնավոր բուհերին։ Համապատասխան քաղաքաշինական լուծումների պարագայում կարող է քննարկվել նաեւ ազգային ստադիոնի տեղակայման հարցը։ «Նման մեծածավալ ծրագրի իրականացումը պահանջում է իրականացնող կառույցի առկայություն, որը ներգրավված կլինի ծրագրի իրականացման մաբողջ շրջափուլում, այնուհետեւ նաեւ Ակադեմիական քաղաքի կառավարումը կիրականացնի, որովհետեւ ստեղծված ենթակառուցվածքները նախատեսելու են նաեւ վարչարարության ու կառավարման մի ամբողջ համակարգ։  Այս որոշմամբ մենք հիմնադրում ենք «Ակադեմիական քաղաք» հիմնադրամը, որը կազմակերպելու, համակարգելու եւ վերահսկելու է Ակադեմիական քաղաքի ստեղծման աշխատանքները։ Նախնական փուլում հիմնադրամին են ամրացվելու Ակադեմիական քաղաքի կառուցման համար անհրաժեշտ հողատարածքները։ Մեկ ամսվա ընթացքում մենք պետք է ներկայացնենք այն գույքի ցանկը, որը պետք է հատկացվի Ակադեմիական քաղաքի համար, իսկ հետո կառավարության առանձին որոշումներով հողատարածքները անհատույց կտրամադրվեն ձեւավորվելիք հիմնադրամին։ Անդրեասյանն ընդգծեց, որ այս որոշմամբ Ակադեմիական քաղաքի ստեղծման ծրագիրը տեղափոխում են գործնական փուլ, որին հաջորդելու է հայեցակարգային աշխատանքների փուլը, ինչի ընթացքում կվերջնականացվեն Ակադեմիական քաղաքում տեղակայվող գիտահետազոտական ինստիտուտների եւ բուհերի կառուցվածքն ու կառավարման ձեւերը»,- եզրափակեց Անդրեասյանը։ Վարչապետ Նիկոլ Փաշինյանն էլ ընդգծեց, որ արդեն կողմնորոշվել են Ակադեմիական քաղաքի տեղադիրքի հարցում։ Ակադեմիական քաղաքը տեղակայվելու է Երեւան քաղաքի, Կոտայքի, Արագածոտնի եւ Արմավիրի մարզերի հատման կետում։

ԲԱՑՎԵՑ Հ. ԹԱԴԵՎՈՍՅԱՆԻ ՀՈԲԵԼՅԱՆԱԿԱՆ ՑՈՒՑԱՀԱՆԴԵՍԸ

Հայաստանի ազգային պատկերասրահում ապրիլի 20-ին բացվեց Հայաստանի ժողովրդական նկարիչ Հրանտ Թադեւոսյանի 85-ամյակին նվիրված ցուցահանդեսը: Ցուցահանդեսն ընդգրկում է 53 ստեղծագործություն՝ տարբեր տարիներին վրձնած բնանկարներ, նատյուրմորտներ, կանանց դիմանկարներ եւ վերացական պատկերներ: «Ստեղծագործություններով ուզում եմ մարդկանց կապել բնությանը, ուզում եմ ՝ մարդիկ բարի լինեն: Իմ ամբողջ արվեստը քարոզում է մարդասիրություն ու մարդաբանություն, բնության հանդեպ ունեցած մարդկային վերաբերմունք»,- ասաց Թադեւոսյանը: Նկարչի խոսքով՝ իր 6000 աշխատանքից 53-ն են տեղ գտել ցուցասրահում:

Ցուցադրված են ուսանողական տարիների աշխատանքներից մինչեւ բնանկարներ եւ սյուժետային աշխատանքներ, նատյուրմորտներ: Նրա համոզմամբ՝ այցելուները իր նկարներին նայելիս կհասկանան բոլոր ժամանակների շունչը: «Ես մարդու համար եմ նկարում, ուզում եմ, որ մարդը նայի իմ նկարներին եւ զգա պահը, որում ինքն ապրել է: Երբ կողքից հետեւում եմ, նկատում եմ, որ նկարը նայում են, ու մի թեթեւ ժպիտ է հայտնվում այցելուների դեմքին. նշանակում է՝ ես կատարել եմ մի բան, որը հաճելի ու ընկալելի է»,-ընդգծեց նկարիչը: Թադեւոսյանը խոստովանեց՝ իր աշխատանքները շատ երկրներում են ցուցադրվել, եւ բոլորն էլ նկատել են, որ արեւոտ երկրի ստեղծագործություններ են: «Նկարչությունն այնպիսի բան է, որ նայողն անմիջապես ընկալում եւ հասկանում է՝ ստեղծագործությունն անկեղծ է, թե ոչ: Կարեւոր է, որ ստեղծագործողը իր հոգում եղածը դուրս բերի: Ես ուզում եմ, որ հայ ստեղծագործողի աշխատանքը նայելիս հասկանանք, որ սա Հայաստան աշխարհի աշխատանք է»,- եզրափակեց նա:  Նկարչի ստեղծագործություններում ակնհայտ է բնության հետ կապն ու արտաքին աշխարհը յուրովի մեկնաբանելու ձգտումը: Նրա արվեստին ներհատուկ է գույների վառ, ազատ ու անկաշկանդ ընտրությունը: Արվեստագետի ստեղծագործական ողջ ժառանգությունը ներկայացնում է մարդու եւ բնության սերտ փոխհարաբերությունը։ Հրանտ Թադեւոսյանը Հայաստանի նկարիչների միության, Արվեստի միջազգային ընկերության եւ Պրոֆեսիոնալ նկարիչների միության (ՅՈՒՆԵՍԿՕ) անդամ է:

Louis Vuitton-Ի ՆՈՐ ԴԵՍՊԱՆԸ

Զենդայան Louis Vuitton-ի նոր դեսպանն է։ Ֆրանսիական նորաձեւության տունը ներկայացրել է իր առաջին արշավը, որում ներկայացված է «Ոսկե գլոբուսի» դափնեկիր, «Էյֆորիա» ժապավենի աստղին իրենց խորհրդանշական Capucines պայուսակի կողքին:

Լուսանկարիչներ Մյորթ Ալասի եւ Մարկուս Պիգգոտի դուետի ոսպնյակում Զենդայան հայտնվել է E-1027-ի՝ Roquebrune-Cap-Martin տան առաջին պլանում, որը նախագծվել է ականավոր մոդեռնիստ ճարտարապետ եւ արդյունաբերական դիզայներ Էյլին Գրեյի կողմից: Լոու Ռոուչեմի կողմից ստեղծված հավաքածուին Զենդայան պարտական է իր նորաձեւության նորարարական զգացողության համար, քանզի արշավը ցուցադրում է աստղին մի շարք Capucines-ով: Դրանց թվում է Capucines BB փոքր մոդելը։

2021 թվականին CFDA Fashion Icon մրցանակի դափնեկիր Զենդայան ամենաբարձր մակարդակի նորաձեւության «օրենսդիրներից» մեկն է: Հատկանշական է, որ նա նստել է առաջին շարքում Louis Vuitton-ի կանանց աշուն/ձմեռ 2023 շոուին մարտին։

Capucines պայուսակը, որը թողարկվել է 2013 թվականին, իր անունը ստացել է Rue Neuve-des-Capucines փողոցից կամ այն փողոցից, որտեղ Louis Vuitton-ը 1854 թվականին կտրել է առաջին ցուցափեղկի ժապավենը: Այժմ այս աքսեսուարն ապրանքանիշի ամենաճանաչելի ստեղծագործություններից է։

ՄԵՐԿԱՑԵԼ Է Maxim-Ի ՀԱՄԱՐ

Էշլի Գրեմը մերկացել է Maxim-ի մայիս/հունիս 2023 շապիկի համար՝ դեբյուտային այս շաբաթ:

Սա մեծ փոփոխություն է տղամարդկանց ամսագրի համար, որտեղ հաճախ են ներկայացվել այնպիսի երիտասարդ աստղեր, ինչպիսին Մելիսա Ջոան Հարթն է 1999թ.-ին, երբ նա ընդամենը 22 տարեկան էր: Ըստ երեւույթին, Maxim-ը փոխվում է՝ բավարարելու ժամանակի պահանջները, քանի որ ամսագրերն ավելի ընդգրկուն են դառնում: Այնուամենայնիվ, Էշլիի համար սա Maxim-ի առաջին շապիկը չէ. 2016 թվականին լուսանկարում նա սավանը սեղմել էր մերկ կրծքին։

Սա աշխարհի Hot 100 ամենասեքսուալ կանանց ամսագրի շապիկն է, իսկ 35-ամյա Գրեմը զբաղեցրել է առաջին տեղը։ «Էշլի Գրեմը Maxim Hot 100 2023թ.-ի շապիկի աստղն է»,- գրել է Մաքսիմն իր Instagram-ում։ «Փարթամ բարեմասնությունների թագուհին նույնքան շքեղ է, որքան ոգեշնչող՝ անկախ նրանից, նա գլամուրային ֆոտոշարքերի համար է նկարահանվում որպես աշխարհի ամենասեքսուալ կին, թե հայտնվում է կարմիր գորգի վրա»: