ԱՆԱՉԱՌՈՒԹՅՈՒՆԸ՝ ԿԱՍԿԱԾԻ ՏԱԿ

Freedom house-ը զեկույց է հրապարակել, որում կետ առ կետ նշված է, թե «Քաղաքացիական պայմանագիր» կուսակցությունը ինչպես է խեղաթյուրել ժողովրդավարություն եզրույթը։

Freedom house-ը մասնավորապես անդրադարձել է ամենակարեւոր կառույցներում ՀՀ վարչապետ Նիկոլ Փաշինյանի կողմից սիրված մարդկանց ղեկավար պաշտոններում նշանակելու փաստին։ Freedom house-ը զեկույցում հարցականի տակ է դրել նաեւ ԿԸՀ նախագահ Վահագն Հովակիմյանի անաչառությունը։

Այսպիսով՝ «2022 թվականին Հայաստանի արդարադատության նախարարությունը նախաձեռնեց փոփոխություններ ընտրական օրենսգրքում եւ հարակից օրենսդրությունում։ Եվրոպայի խորհրդի Ժողովրդավարություն իրավունքի միջոցով Եվրոպական հանձնաժողովը (Վենետիկի հանձնաժողով) եւ ԵԱՀԿ Ժողովրդավարական հաստատությունների եւ մարդու իրավունքների գրասենյակը (ԺՀՄԻԳ) ողջունել են փոփոխությունների նախագիծը՝ մասնավորապես գովաբանելով դրանց մեկնարկին նախորդած խորհրդակցությունների եւ հանրային քննարկումների ընդգրկունությունը: Սա հատկապես ուշագրավ է, քանի որ նախորդ տարիներին ընտրություններից կարճ ժամանակ առաջ նախաձեռնված հապճեպ փոփոխությունները, հիմնականում՝ արտահերթ ընտրությունները, սովորական էին:

Այնուամենայնիվ, զեկույց Վենետիկի հանձնաժողովի եւ ԺՀՄԻԳ-ի որոշ նախկին առաջարկությունների չներառելը ցավով է փաստում. առաջարկություններ որոնք Հայաստանը դեռեւս չի գործել, որոնք ուղղված են ընտրական շեմերին, մարտահրավերների ներկայացման ժամկետներին, վերահաշվարկներին եւ ընտրական գործընթացի այլ ասպեկտներին: Այս փոփոխությունները կատարելը կպահանջի հետագա փոփոխություններ՝ խախտելով ընտրական օրենսդրության կայունությունը պահպանելու լավ պրակտիկան:

2022 թվականի վերջին Հայաստանի Ազգային ժողովը Կենտրոնական ընտրական հանձնաժողովի (ԿԸՀ) նախագահ ընտրեց Վահագն Հովակիմյանին, ով հայտնի էր որպես Փաշինյանի հավատարիմ մարդ. թեեւ Հովակիմյանի ընտրությունն այդ պաշտոնում օրինական էր, նա ընտրվելուց չորս օր առաջ մնաց Ազգային ժողովի պատգամավոր՝ «Քաղաքացիական պայմանագրի» անդամությամբ եւ ընտրություններում քվեարկեց ինքն իրեն՝ ԿԸՀ ղեկավար նշանակվելու համար:

Հովակիմյանի ընտրությունը քաղաքացիական հասարակության մեջ մտահոգություն առաջացրեց, որ այն կվտանգի ԿԸՀ-ի անկախությունն ու չեզոքությունը եւ վտանգի տակ կդնի վերջին տարիների առաջընթացը: Այնուամենայնիվ, նոր նախագահը մի քանի դեպքերում գործել է համագործակցային եւ ներառական՝ քաղաքացիական հասարակության նկատմամբ: Այնուամենայնիվ, Հովակիմյանի եւ ԿԸՀ-ի որոշ գործողություններ Երեւանի ավագանու ընտրությունների վերաբերյալ քաղաքացիական հասարակության շրջանում կասկածներ են առաջացրել նրա անաչառության վերաբերյալ»։

ԷՄՄԱ ՄԻՔԱՅԵԼՅԱՆ

ՉԵՆ ՄԱՍՆԱԿՑԵԼ ՀԱՊԿ ՆԻՍՏԻՆ

Հայաստանի գլխավոր շտաբի ներկայացուցիչները չեն մասնակցել Ռուսաստանի Դաշնության զինված ուժերի գլխավոր շտաբի պետ, գեներալ Վալերի Գերասիմովի ղեկավարությամբ տեղի ունեցած Հավաքական անվտանգության պայմանագրի կազմակերպության (ՀԱՊԿ) անդամ պետությունների ռազմական համագործակցության զարգացման հարցերով ռազմական խորհրդի 23-րդ նիստին։

Այս մասին նշվում է ՌԴ պաշտպանության նախարարության տարածած հաղորդագրության մեջ։

Հանդիպմանը մասնակցել են Ռուսաստանի, Բելառուսի, Ղազախստանի, Ղրղզստանի եւ Տաջիկստանի զինված ուժերի գլխավոր շտաբների պատվիրակությունները, ինչպես նաեւ Միացյալ շտաբի եւ ՀԱՊԿ քարտուղարության ներկայացուցիչներ։

Հանդիպման ընթացքում կողմերը վերլուծել են ՀԱՊԿ պատասխանատվության ոլորտում ստեղծված ռազմաքաղաքական իրավիճակը, անդամ երկրներին սպառնացող սպառնալիքներն ու անվտանգության մարտահրավերները, ինչպես նաեւ նախանշվել են ռազմական ոլորտում հետագա փոխգործակցության ուղիները։

«Մենք պայմանավորվեցինք շարունակել աշխատանքը գոյություն ունեցող սպառնալիքները չեզոքացնելու եւ կազմակերպության ռազմական ներուժը բարելավելու ուղղությամբ», – հայտնել է Գերասիմովը:

Նրա խոսքով` անդամ երկրների ռազմական ղեկավարները համաձայնել են առաջադեմ մարտական փորձը ներդնել ՀԱՊԿ զորքերի պատրաստման պրակտիկայում։

Գերասիմովը նշել է, որ ՀԱՊԿ ռազմական կոմիտեի նիստը տեղի է ունեցել գործնական եւ կառուցողական մթնոլորտում, եւ արդյունքները կնպաստեն ռազմական անվտանգության առաջանցիկ զարգացմանն ու ամրապնդմանը։

ՀԱՆԴԻՊՈՒՄ՝ ՇՎԵԴ ԴԻՏՈՐԴՆԵՐԻ ՀԵՏ

Շվեդիայի պատվիրակության անդամներն այցելել են Եղեգնաձոր, Իջեւան, Մարտունի, Ջերմուկ, Գորիս եւ Կապան քաղաքների առաջնագծի օպերատիվ հենակետեր՝ հանդիպելու Հայաստանում ԵՄ դիտորդական առաքելության կազմում Ադրբեջանի հետ սահմանին պարեկություն իրականացնող շվեդ դիտորդների հետ:

Սյս մասին նշվում է Հայաստանում Եվրոպական դիտորդական առաքելության X-ի միկրոբլոգի գրառման մեջ։

«Շվեդիայի Խաղաղության, անվտանգության եւ զարգացման գործակալության, ոստիկանության եւ արտակարգ իրավիճակների գործակալության շվեդական պատվիրակությունն այցելել է Եղեգնաձոր, Իջեւան, Մարտունի, Ջերմուկ, Գորիս եւ Կապան քաղաքների հենակետեր՝ հանդիպելու Շվեդիայի առաքելության անդամների հետ»,- ասվում է գրառման մեջ։

Նշվում է, որ ՀՀ-ում ԵՄ առաքելության կազմում Շվեդիան ներկայացնող 10 փորձագետ կա։

ՔՆՆԱՐԿՎԵԼ Է ԲԱՐԵՓՈԽՈՒՄՆԵՐԻ ԸՆԹԱՑՔԸ

Ապրիլի 12-ին ՀՀ պաշտպանության նախարար Սուրեն Պապիկյանն ընդունել է ՀՀ-ում Ավստրալիայի արտակարգ եւ լիազոր դեսպան Ջոն Ուիլյամ Գիրինգին: Այս մասին տեղեկացնում են ՀՀ ՊՆ-ից:

Հանդիպման ընթացքում քննարկվել են պաշտպանության բնագավառում Հայաստան-Ավստրալիա համագործակցության հնարավորություններին եւ տարածաշրջանային անվտանգությանն առնչվող մի շարք հարցեր:

Դեսպանի խնդրանքով նախարարը ներկայացրել է ՀՀ ԶՈՒ բարեփոխումների ընթացքը:

ՎՐԱՍՏԱՆԻ ՀԵՏ ՓՈԽԳՈՐԾԱԿՑՈՒԹՅՈՒՆԸ ԲԱՐՁՐ ՄԱԿԱՐԴԱԿԻ Է

Հայաստանի Հանրապետության վարչապետ Նիկոլ Փաշինյանն ընդունել է Վրաստանի արդարադատության նախարար Ռատի Բրեգաձեին:

Ինչպես տեղեկացնում է ՀՀ վարչապետի աշխատակազմը իր տարածած հաղորդագրության մեջ, Նիկոլ Փաշինյանը կարեւորել է Հայաստանի  եւ Վրաստանի միջեւ համագործակցության շարունակական զարգացումը տարբեր ոլորտներում, այդ թվում՝ արդարադատության բնագավառում:

Վարչապետը գոհունակությամբ է նշել, որ Վրաստանի հետ փոխգործակցությունը գտնվում է բարձր մակարդակի վրա, ինչին նպաստում են նաեւ փոխայցելությունները:

Նիկոլ Փաշինյանը կարեւորել է նաեւ փորձի փոխանակումը՝ արդարադատության ոլորտում իրականացվող բարեփոխումներն արդյունավետ կյանքի կոչելու ուղղությամբ:

Վրաստանի արդարադատության նախարարը նշել է, որ հայ գործընկերների հետ ունեն սերտ համագործակցություն եւ համոզմունք հայտնել, որ այս այցը նոր ազդակ կհաղորդի երկկողմ կապերի ամրապնդմանն ու ընդլայնմանը:

Ռատի Բրեգաձեն ընդգծել է Հայաստան-Վրաստան ռազմավարական գործընկերության վերաբերյալ ստորագրված փաստաթղթի կարեւորությունը:

Զրուցակիցները մտքեր են փոխանակել կոռուպցիայի դեմ պայքարի, արդարադատության ոլորտում բարեփոխումների եւ այլ հարցերի շուրջ:

ԱԽ ՔԱՐՏՈՒՂԱՐԸ ՀԱՆԴԻՊԵԼ Է ԼԻՏՎԱՅԻ ԱԳ ՆԱԽԱՐԱՐԻ ՀԵՏ

Հայաստանի անվտանգության խորհրդի քարտուղար Արմեն Գրիգորյանն ապրիլի 12-ին Վիլնյուսում հանդիպել է  Լիտվայի արտաքին գործերի նախարար Գաբրիելիուս Լադսբերգիսի հետ:

Արմեն Գրիգորյանն այս մասին գրել է «Ֆեյսբուք»-ի իր էջում։

«Հանգամանալից ներկայացրել եմ Հայաստանի Հանրապետության արտաքին քաղաքականության տարբեր ուղղությունները եւ ներկայիս առաջնահերթությունները: Անդրադարձել եմ Հարավային Կովկասում տիրող անվտանգային իրավիճակին, առկա մարտահրավերներին եւ դրանց հաղթահարման ուղղությամբ հայկական կողմի գործադրվող ջանքերին:

Հանդիպման ընթացքում քննարկել ենք ապրիլի 5-ի ՀՀ-ԱՄՆ-ԵՄ հանդիպման արդյունքները, ինչի շրջանակներում ԱԳ նախարարը հայտնել է Լիտվայի պատրաստակամությունն աջակցելու ՀՀ-ին առաջ մղելու ՀՀ-ԵՄ օրակարգային հարցերը:

Քննարկել ենք նաեւ Հայաստան-Լիտվա օրակարգային հարաբերությունները՝ մատնանշելով երկկողմ համագործակցության ընդլայնման անհրաժեշտությունը»,-գրել է Գրիգորյանը։