ՄԵԾ ՄԱՆԿԱԳԻՐԸ. ԽՆԿՈ ԱՊԵՐ

Աթաբեկ Խնկոյանը, ով առավել հայտնի է որպես Խնկո Ապեր, իր մեծ ավանդն է ունեցել հայ գրականության և  հատկապես մանկագրության մեջ։

Օրերս Աթաբեկ Խնկոյանի ծննդյան օրն էր. նման հոբելյանները ավելի են ուժեղացնում հետաքրքրությունը հեղինակի եւ նրա ստեղծագործությունների նկատմամբ:

Խնկո Ապերը գրել է առակներ, լեգենդներ, հեքիաթներ, բանաստեղծություններ, պոեմներ։

Իսկ ինչո՞ւ են նրան ասել Խնկո Ապեր

Աթաբեկ Խնկոյանին անվանել են Խնկո Ապեր հատկապես նրա սրտացավ վերաբերմունքի համար, կրթական գործին ունեցած նվիրվածության եւ իր ժողովրդի հանդեպ մեծ սիրո համար: Խնկո Ապերը մանկավարժ եւ գրող էր, ով կարեւորում էր երեխաների կրթությունը եւ դաստիարակությունը։ Նրա սրտացավ վերաբերմունքը, հայրական մոտեցումը եւ հոգատարությունը երեխաների նկատմամբ ձեւավորել են նրա «Խնկո Ապեր» անունը, ինչը նշանակում է «հոգատար եղբայր»: Նա իր կյանքն ու գործունեությունը նվիրել է կրթության եւ գրականության զարգացմանը, ինչը հայ հասարակության կողմից մեծապես գնահատվել է։

«Ժողովուրդ» օրաթերթը ներկայացնում է գրողի կյանքից հետաքրքիր դեպքեր։

Աթաբեկ Խնկոյանի կյանքից մի հետաքրքիր պատմություն կա, որը փաստում է նրա նվիրումն ու սրտացավությունը երեխաների նկատմամբ։

Պատմում են, որ մի անգամ Խնկո Ապերը, լինելով ուսուցիչ գյուղական մի դպրոցում, նկատում է, որ իր աշակերտներից մեկը՝ մի փոքրիկ տղա, հաճախ գալիս է դպրոց՝ առանց անհրաժեշտ գրենական պիտույքների՝ տետրերի ու գրիչների: Նա չէր ցանկանում պատժել տղային կամ կշտամբել, քանի որ հասկանում էր, որ երեխայի ծնողները միգուցե պարզապես չունեն ֆինանսական միջոցներ դրանք գնելու համար:

Մի օր Խնկո Ապերը իր մոտ է կանչում տղային եւ առանց նրան նեղություն պատճառելու՝ խնամքով հարցնում է, թե ինչու է միշտ առանց տետրերի գալիս: Տղան ամաչելով ասում է, որ ընտանիքը շատ աղքատ է, եւ նրանք չեն կարող իր համար անհրաժեշտ իրեր գնել: Խնկո Ապերը, հասկանալով իրավիճակը, գնում է քաղաքի միակ գրախանութը եւ սեփական միջոցներով գնում է տղայի համար գրքեր, տետրեր եւ գրիչներ, հետո դրանք տալիս է տղային եւ ասում՝ «Սրանք քեզ եմ տալիս, քանի որ գիտեմ, որ կսովորես ավելի լավ ու ավելի մեծ մարդ կդառնաս»

Խնկո Ապերը ոչ միայն ուսուցիչ էր, այլեւ հոգատար մարդ, ով հասկանում էր իր աշակերտների կարիքները եւ պատրաստ էր օգնել նրանց՝ կյանքում առաջ գնալու։

Ինչպես ասում են՝ կա նաեւ մեդալի հակառակ կողմը

Աթաբեկ Խնկոյանի կյանքից եւս մի հետաքրքիր դեպք կա, որն էլ արտահայտում է նրա բարոյական արժեքներն ու սկզբունքները։

Պատմում են, որ մի անգամ Խնկո Ապերը ուսուցանում էր մի դպրոցում, որտեղ հաճախ էին գալիս ծնողներ՝ իրենց երեխաների համար հովանավորություն խնդրելու: Մի ծնող, ով բարեկեցիկ կյանք էր վարում, առաջարկում է Խնկո Ապերին ֆինանսական միջոցներ՝ իր որդուն «հատուկ» ուշադրություն դարձնելու համար: Տղան բավականին լավ ընտանիքից էր, սակայն աչքի ընկնում էր իր ծուլությսմբ եւ վատ էր սովորում։ Ծնողը ակնկալում էր, որ Աթաբեկ Խնկոյանը հատուկ մոտեցում կցուցաբերի իր որդուն՝ միաժամանակ ընդունելով նվիրատվությունը:

Խնկո Ապերը, լսելով այս առաջարկը, հանգիստ, բայց հաստատապես մերժում է այն՝ ասելով՝ «Գրականության ու գիտելիքի ոլորտում ոչ ոք հովանավորչության կարիք չունի: Այստեղ ամեն ինչ արդար է, եւ յուրաքանչյուր երեխա ստանում է այն, ինչին արժանի է իր աշխատանքով ու ջանքերով»:

Այս պատասխանը ցույց է տալիս Խնկո Ապերի բարոյական դիրքորոշումը՝ հավասարության եւ արդարության հանդեպ։ Նա չէր ընդունում կաշառք կամ հատուկ վերաբերմունք, անկախ հանգամանքներից եւ ուսուցման գործընթացում առաջնահերթությունը միշտ տալիս էր արդարությանը եւ երեխաների իրական կարողություններին ու ջանքերին։

ԱՆՆԱ ՍՐԱՊԻՈՆՅԱՆ

ՀՈԲԵԼՅԱՆԱԿԱՆ

ՀՀ կրթության, գիտության, մշակույթի եւ սպորտի նախարարության աջակցությամբ Հայաստանի պետական կամերային նվագախումբը hոկտեմբերի 16-31-ը հանդես է գալիս համերգային բացառիկ շրջագայությամբ՝ Շառլ Ազնավուրի 100- ամյակի հոբելյանական միջոցառումների շրջանակում:

Համերգային շրջագայությունն ընդգրկում է 6 երկիր եւ 9 քաղաք, որոնցում տեղի կունենա 9 համերգ: Համերգներ կկայանան Իտալիայում, Անգլիայում, Ուելսում, Բելգիայում, Գերմանիայում եւ Ֆրանսիայում։

Կհնչեն Ազնավուրի ստեղծագործությունները՝ նոր մշակումներով եւ գործիքավորումներով:

Կամերային նվագախմբի առաջին համերգը կայացել է հոկտեմբերի 17-ին Վենետիկի Սուրբ Ղազար կղզում:

Համերգների ծրագրերում ընդգրկված են բացառապես հայ կոմպոզիտորների ստեղծագործություններ՝ Շառլ Ազնավուր, Կոմիտաս, Ռոբերտ Ամիրխանյան, Տիգրան Մանսուրյան, Ռուբեն Ալթունյան եւ Արթուր Ահարոնյան: