ՄԵԴԱԼՆԵՐ՝ ԴԵԼՓՅԱՆ ԽԱՂԵՐԻՑ

Ռուսաստանի Դաշնության Կոմի Հանրապետության Սիկտիվկար քաղաքում անցկացվել են 3-րդ երիտասարդական բաց Արկտիկական եւ ԱՊՀ մասնակից պետությունների 18-րդ երիտասարդական Դելփյան խաղերը՝ 10 անվանակարգերում:

ՀՀ կրթության, գիտության, մշակույթի եւ սպորտի նախարարության աջակցությամբ եւ Հայկական ազգային Դելփյան կոմիտեի (ՀԱԴԿ) մասնագիտական ընտրությամբ խաղերին մասնակցել է նաեւ ՀՀ պատվիրակությունը՝ 6 մասնակցով՝ դաշնամուր, ջութակ, ժողովրդական նվագարաններ եւ կերպարվեստ անվանակարգերում: ՀՀ պատվիրակության կազմում ընդգրկված են նաեւ Հայկական ազգային Դելփյան կոմիտեի (ՀԱԴԿ) նախագահ Ալեքսան Զաքյանն ու 2 նվագակցող:

Հայաստանի ներկայացուցիչները 3-րդ երիտասարդական բաց Արկտիկական Դելփյան խաղերում նվաճել են 2 ոսկե եւ 2 արծաթե մեդալներ, 2 դիպլոմ.

Դաշնամուր անվանակարգ (10-13 տարեկան)

Էդուարդ Սիմոնյան, դաս.՝ Լ. Մկրտչյան – արծաթե մեդալ

Դաշնամուր անվանակարգ (14-17 տարեկան)

Էլեն Խաչիկյան, դաս.՝ Մ. Մարգարյան – ոսկե մեդալ

Ջութակ անվանակարգ (14-17 տարեկան)

Էդուարդ Դայան, դաս.՝ Է. Թադեւոսյան – ոսկե մեդալ

Ժողովրդական նվագարաններ (18-25 տարեկան)

Լիլիթ Պետրոսյան, դաս.՝ Ծ. Հովհաննիսյան – արծաթե մեդալ

Ժողովրդական նվագարաններ (14-17 տարեկան)

Նարեկ Խանզադյան, դաս.՝ Գ. Դաբաղյան – Դիպլոմ

Կերպարվեստ (14-17 տարեկան)

Գոհար Գրիգորյան – Դիպլոմ

ԱՊՀ մասնակից պետությունների 18-րդ երիտասարդական Դելփյան խաղերում Հայաստանն ունեցել է երեք 1-ին եւ մեկ

2-րդ մրցանակակիրներ:

Դաշնամուր անվանակարգ (10-13 տարեկան)

Էդուարդ Սիմոնյան, դաս.՝ Լ. Մկրտչյան – առաջին մրցանակ

Դաշնամուր անվանակարգ (14-17 տարեկան)

Էլեն Խաչիկյան, դաս.՝ Մ. Մարգարյան – առաջին մրցանակ

Ջութակ անվանակարգ (14-17 տարեկան)

Էդուարդ Դայան, դաս.՝ Է. Թադեւոսյան – առաջին մրցանակ

Ժողովրդական նվագարաններ (18-25 տարեկան)

Լիլիթ Պետրոսյան, դաս.՝ Ծ. Հովհաննիսյան – երկրորդ մրցանակ

ԱՊՀ մասնակից պետությունների 18-րդ երիտասարդական Դելփյան խաղերի թիմային հաշվարկով ՀՀ պատվիրակությունը զբաղեցրել է երկրորդ հորիզոնականը:

Խաղերին մասնակցել են շուրջ 600 տաղանդավոր պատանիներ եւ երիտասարդներ 13 պետություններից՝ ԱՊՀ անդամ պետություններից, ինչպես նաեւ ԲՐԻԿՍ-ի եւ ՇՀԿ-ի ներկայացուցիչներ: Հանդես են եկել Հայաստանի, Ռուսաստանի, Բելառուսի, Ղազախստանի, Ղրղզստանի, Տաջիկստանի, Ուզբեկստանի, Ադրբեջանի, Չինաստանի, Հնդկաստանի, Եգիպտոսի, Իրանի եւ Բենինի պատվիրակությունները։

3-րդ երիտասարդական բաց Արկտիկական Դելփյան խաղերի ընթացքում կազմակերպվել է նաեւ միջազգային կոնֆերանս, որի շրջանակում ՀԱԴԿ նախագահ Ալեքսան Զաքյանը հանդես է եկել զեկույցով, իսկ ՇՀԿ շրջանակում կազմակերպված «Մշակույթը, որպես հարթակ բազմակողմանի համագործակցության եւ զարգացման համար» կլոր սեղանին ներկայացրել է «Միացյալ ազգերը հանուն խաղաղության նվագախումբ եւ երգչախումբ» ծրագիրը:

ՀՀ ԿԳՄՍՆ

ՍԿԱՆԴԱԼ ՀԱՅ ԵՐԳՉՈՒՀՈՒ ԵԼՈՒՅԹԻՑ ՀԵՏՈ

Օրերս համացանցում ակտիվ քննարկվում է մոսկվայաբնակ 17 ամյա հայուհու՝ Էլեն Բադալյանի հաղթանակը «Դե՛, բոլորս միասին» (ծց-ՍՈ, Չրպ ՉՎպրՑպ!) հաղորդման ժամանակ։

Էլեն Բադալյանը 7 տարեկանից զբաղվել է պրոֆեսիոնալ վոկալով եւ ինքն է իր երգերի հեղինակը։

Մրցույթում հաղթելուց հետո Էլեն Բադալյանը ստացել է հաղորդման արձանիկը եւ 5 միլիոն ռուբլի դրամական պարգեւ։

Չնայած նրան, որ հայուհու ելույթը տպավորել է շատերին՝ այն այդքան էլ հեշտ չի եղել, քանի որ դահլիճում գտնվող ժյուրիից ոչ բոլորն են ի սկզբանե ցանկացել սեղմել կոճակը՝ մասնակցի կատարման հավանությունը նշանակող։

Բանն այն է, որ ժյուրիից երգիչ Սերգեյ Լազարեւը հորդորել է 17 ամյա Էլեն Բադալյանին կատարել Պոլինա Գագարինայի «Ձօ վպ Փպսցռ» երգը: Նրա ելույթի ընթացքում Սերգեյ Լազարեւը չդիմացավ եւ բարկությունից սեղմեց հատուկ հյուրի՝ Ֆիլիպ Կիրկորովի կոճակը, ով ոտքի չկանգնեց Էլենի ելույթի ժամանակ:

Սերգեյ Լազարեւը Էլեն Բադալյանի ելույթի ժամանակ Ֆիլիպ Կիրկորովի հետ սկանդալից հետ հեռանում է «ծց-ՍՈ, Չրպ ՉՎպրՑպ!» հեռուստաշոուից։ Սերգեյ Լազարեւը «Ռոսիա 1» հեռուստաալիքի եթերում հայտարարել է, որ այլեւս չի մասնակցի շոուին:

Լազարեւը բացատրել է իր դիրքորոշումը՝ նշելով, որ վեցերորդ եթերաշրջանը չափազանց զգացմունքային էր։ «Շատ շնորհակալ եմ աշխատանքի համար, շատ շնորհակալ եմ այս վեց սեզոնների համար։ Ցավոք, ինձ համար շատ դժվար է յուրաքանչյուր եթերին էմոցիոնալ կերպով տրվելը, այդ պատճառով ես, այնուամենայնիվ, որոշում կայացրի հեռանալ։ Կներեք, ի սեր Աստծո, սա իմ վերջին մրցաշրջանն է։ Մենք միասին շատ բան ենք անցել, բոլորդ ինձ համար սիրելի մարդիկ եք», – շոուի եթերում հայտարարել է նա։

Ի՞ՆՉ ԵՂԱՎ  27 ՕՐԵՐԻ ԸՆԹԱՑՔՈՒՄ. «ԳՈՅ»

Արդեն 27 օր է, ինչ շարունակվում է «Գոյ» թատրոնի նախաձեռնած նստացույցը, որով պահանջում են վերականգնել արդարությունը, այսինքն՝ աշխատելն ու արարելն իրենց մայր թատրոնում։

Իսկ ի՞նչ է կատարվել 27 օրերի ընթացքում.

Նստացույցի 27 օրերի ընթացքում «Գոյ» թատրոնի ստեղծագործական անձնակազմը իրականացրել է տարբեր ակցիաներ՝ բարձրաձայնելով իրենց խնդիրը։ «Գոյ»-ի անձնակազմն այս օրերի ընթացքում գնացել է դատախազություն, ՄԻՊ, ոստիկանություն, նաեւ հանդիպել ԿԳՄՍ փոխնախարար Դանիել Դանիելյանի հետ, սակայն չեն ստացել իրենց խնդրի լուծումը։

Կառավարման խորհրդի նախագահ, ռեժիսոր Սարգիս Արզումանյանի խոսքով՝ այս ամենը կոնկրետ քայլ է՝ իրենց «դրսում» թողնելու համար։