ՖՈՏՈ. Բանանի օգտակար հատկությունները, որոնց մասին քչերը գիտեն

Բանանը հենց այն մրգերից է, երբ «համեղը» համադրվում է «օգտակարի» հետ: Բանանի մեջ պարունակվող վիտամիններն ու այլ նյութեր օգնում են օրգանիզմին բոլոր «ճակատներում»:

Ներկայացնում ենք բանանի օգտակար հատկությունները, որոնք մեծամասամբ կախված են դրանց հասած լինելուց:

Օնկոլոգիական հիվանդությունների կանխարգելում

Բանանը հատուկ սպիտակուց է պարունակում, որն օգնում է կանխել օնկոլոգիական հիվանդությունները: Հասած բանանի մեջ այդ նյութի քանակությունը զգալիորեն շատ է: Այդ իսկ պատճառով խորհուրդ է տրվում ուտել այն բանանները, որոնց կեղևը պատված է մուգ կետերով  կամ ամբողջությամբ մգացել է:

Մկանների ձգման դեպքում

Հանքային անբավարարությունը մկանների ձգման պատճառ է հանդիսանում: Օգտագործելով կալիումով և մագնեզիումով հարուստ մթերք, ինչպիսին բանանն է, կարելի է կանխել մկանային ձգումները:

Երիկամների հիվանդության կանխարգելում

Հետազոտություններից մեկի համաձայն՝ բանանի մշտական օգտագործումը կարող է նվազեցնել երիկամների մեջ չարորակ նորագոյացությունների հավանականությունը 40%-ով:

Ամուր սիրտ

Կալիումով հարուստ մթերքները խորհուրդ են տրվում նրանց, ովքեր տառապում են բարձր ճնշմամբ և սրտանոթային հիվանդություններով: 1,3 գրամ կալիումի ամենօրյա օգտագործումը նվազեցնում է սրտի հետ կապված հիվանդությունների զարգացման ռիսկը 26%-ով: Այդ նորման լրացնելու համար 2-3 բանան կերեք՝ կապված քաշից:

Մաքուր անոթներ

Անոթների խցանման պատճառ է խոլեստերինը, որն աթերոսկլերոզ է առաջացնում: Բանանի մեջ կան ֆիտոստերոլներ, որոնք օգնում են նվազեցնել այդ նյութի կոնցետրացումն օրգանիզմում և պահպանում անոթային համակարգի առողջությունը:

Առողջ ստամոքս

Բանանը ցուցված է ստամոքսի խոց ունեցող մարդկանց: Այն պարունակում է հատուկ ֆերմենտ, որը պաշտպանում է ստամոքսի պատերը:

Էներգիայի աղբյուր

Պարզ ածխաջրերն արագ մարսվում են և անմիջապես լրացնում էներգետիկ ռեսուրսների դեֆիցիտը:

Լավ տրամադրություն

Բանանը «ուրախության հորմոն» (դոֆամին) է պարունակում, ինչպես նաև B խմբի մի քանի վիտամիններ, որոնք դրական են ազդում նյարդային համակարգի վրա:

Դիաբետի դեմ

Բանանի մեջ կրախմալի հատուկ տեսակ է պարունակվում, որն օգնում է լավացնել 2-րդ տիպի շաքարային դիաբետի ժամանակ մարդու վիճակը:

Սլացիկ կազմվածք

Դիմացկուն կրախմալը խոչընդոտում է ճարպային շերտերի ձևավորումը և մեծացնում էներգիայի ծախսը, որն էլ հանգեցնում է ավելորդ քաշի դեմ արագ և արդյունավետ պայքարի: