«ԺՈՂՈՎՈՒՐԴ» ԹԵՐԹԻ 120 ՀԱՄԱՐԸ

Սերժ Սարգսյանի մամուլի խոսնակ Արմեն Արզումանյանը, պատասխանելով «Ժողովուրդ» օրաթերթի հարցին, թե ինչ կարծիք ունի Ս.Սարգսյանը ՌԴ նախագահ Դմիտրի Մեդվեդեւի` ԼՂ հարցի վերաբերյալ ներկայացրած նոր առաջարկների մասին, ասաց. «Սերժ Սարգսյանն առաջիկայում կարձագանքի ԼՂ հակամարտության կարգավորման վերաբերյալ ՌԴ նախագահ Դմիտրի Մեդվեդեւի առաջարկությանը»: Պարոն Արզումանյանը չմանրամասնեց, թե կոնկրետ երբ կլինի այդ արձագանքը:

Ամեն անգամ, երբ ստիպված ենք լինում անդրադառնալ հայոց բանակում տիրող վիճակին, փորձում ենք դա անել հնարավորինս զգույշ` մտքում ունենալով  մեր երկրի կիսապատերազմական վիճակը: Սակայն որքան էլ փորձում ենք ըմբռնումով մոտենալ զինված ուժերում գոյություն ունեցող, մեղմ ասած, թերություններին,  սահմռկեցուցիչ հաճախականությամբ գրանցվող զինվորների մահվան դեպքերը գալիս են ապացուցելու, որ խնդիրը չափազանց  լուրջ է, համակարգային,  եւ այն լուծելու …

Վարչապետ Տիգրան Սարգսյանն իր արձակուրդն անցկացնելու է Ղարաբաղում: Սակայն դեռ հայտնի չէ, թե նա երբ է արձակուրդ գնալու: Այդ մասին «Ժողովուրդ»-ի հետ հեռախոսազրույցում հայտնեց նրա մամուլի խոսնակ Արամ Անանյանը: Մինչ այդ, սակայն, նկատենք, որ դատելով Տ.Սարգսյանի` սեփական կայքի ու բլոգի հանդեպ անտարբեր վերաբերմունքից, նա արդեն գտնվում է արձակուրդում: Եթե նախկինում նա իր կայքում պարտաճանաչ կերպով …

Իշխանական պատվիրակության համակարգող ՀՀԿ-ական Դավիթ Հարությունյանի` ՀԱԿ ներկայացուցիչների հետ հանդիպման ժամանակ արած հայտարարությունը, թե կոալիցիոն խումբը ներկայացնում է նաեւ անձամբ Սերժ Սարգսյանին, անակնկալ է եղել ոչ միայն ընդդիմության, այլեւ կոալիցիայի անդամների համար: «Ժողովուրդ»-ի տեղեկություններով` Ս.Սարգսյանը հանդիպման օրը` առավոտյան, իր մոտ է կանչել Դ.Հարությունյանին ու լիազորել իր անունից նման հայտարարություն անել: Հարությունյանը մեզ հետ հեռախոսազրույցում ասաց, …

Մեր տեղեկություններով` ՀՀ գլխավոր դատախազության պետական շահերի պաշտպանության վարչությունը  ստուգումներ է անցկացնում ՀՀ ոստիկանության 6-րդ վարչությունում, ինչը բացառիկ երեւույթ է: Լուրը ոստիկանության հասարակայնության հետ կապերի վարչության պետ Աշոտ Ահարոնյանը հաստատեց` նշելով, որ խոսքը պլանային ստուգումների մասին է: Նաեւ նշեց, որ մինչ այդ պլանային ստուգումների շրջանակում ստուգումներ են իրականացվել ՀՀ ոստիկանության շտաբում, իսկ ԿՀԴՊԳՎ-ից` «6»-ից հետո …

ՀԱՐՑ. Դեռ մի քանի ամիս առաջ բջջային կապի օպերատորները հայտարարեցին, որ բաժանորդների նոր հաշվառում են իրականացնելու: Այդ գործընթացը մեկնարկե՞լ է, ի՞նչ ձեւով է վերագրանցումը կազմակերպվելու, եւ ե՞րբ հայտնի կդառնա, թե որ ընկերությունը քանի բաժանորդ ունի: Վարդան Սահակյան, 35 տարեկան, լրագրողՊԱՏԱՍԽԱՆ. Շարժական բջջային կապի ծառայություններ մատուցող ընկերությունների կողմից հաշվառումը պետք է իրականացվի համաձայն հանձնաժողովի 2011 թվականի …

Լուսանկարն արվել է Երեւանի 16 թաղամասումՎերելակն այնքան հին է, որ մարդիկ ներսից դուրսն են տեսնում, դրսից` ներսը: Իսկ վերելակների վարչությունը չի խրատվում վերջին իրադարձություններից, երբ անսարք վերելակի պատճառով մարդիկ հայտնվում են հիվանդանոցներում կամ զրկվում կյանքից: Բայց չնայած մայրաքաղաքի բնակիչների այս խայտառակ ապրելակերպին, Երեւանի քաղաքապետ Կարեն Կարապետյանը շարունակում է «դրայվ» ապրել իր պաշտոնավարման գործընթացից: