Վարդենիսցի տղամարդը սպանության սպառնալիքներ է հնչեցրել. նրան բերման են ենթարկել

Ոստիկանության Վարդենիսի բաժնի ծառայողների ձեռնարկած օպերատիվ-հետախուզական միջոցառումների շնորհիվ նոյեմբերի 21-ին, ժամը 20.45-ին, Վարդենիսի Հ.Արզոյանի փողոցից բերման է ենթարկվել 1977 թ. ծնված Հակոբ Բ.-ն, որը նոյեմբերի 14-ից հետախուզվում էր ՀՀ քրեական օրենսգրքի 34-185 հոդվածի (գույքը դիտավորությամբ ոչնչացնելու կամ վնասելու փորձը) 3-րդ մասի 1-ին կետով և 137 հոդվածի (սպանության, առողջությանը ծանր վնաս պատճառելու կամ գույք ոչնչացնելու սպառնալիքը) 1-ին մասի մեղադրանքով: