Հրապարակվել է ադրբեջանական ԱԹՍ-ից խոցված քաղաքացիական մեքենաներից մեկի լուսանկարը

Հրապարակվել է այսօր ադրբեջանական կողմից ԱԹՍ-ից խոցված քաղաքացիական մեքենաներից մեկի լուսանկարը։ Բարեբախտաբար զոհեր չկան։

Ինչպես արդեն հայտնել էինք, նախնական տվյալներով՝ հայկական մարտական հենակետերի վրա կատարված հարձակումների, կրակոցների արդյունքում մարմնական վնասվածքներ է ստացել 36 զինծառայող, սպանվել՝ 4 զինծառայող, վնասվել՝ 6 ավտոմեքենա:

Տավուշի մարզի տարբեր բնակավայրերի վրա արձակված կրակոցների հետևանքով վնասվել է 24 տուն, 1 կոնյակի և 1 գինու գործարան, 1 մանկապարտեզ, գերեզմանատուն, 4 ավտոմեքենա, 1 ջրագիծ, 1 գազատար, 1 ջերմոց, ոստիկանական 1 պահակակետ, որտեղ գտնվող 2 ոստիկաններ ստացել են մարմնական վնասվածքներ: Բացի այդ, մարմնական վնասվածք է ստացել 1 քաղաքացիական անձ: