Երեկ Հայաստանի մշակույթի վաստակավոր գործիչ, երգահան Ավետ Բարսեղյանը նշել է հոբելյանական 40-ամյակը: ArmLur.am-ը Ավետ Բարսեղյանից փորձել է հետաքրքրվել, թե արտակարգ դրության պայմաններում ինչպես եւ ում հետ է նշել տարեդարձը:
Մեզ հետ զրույցում Ավետն ասաց, որ օրն սկսել է տոնական անակնկալով:
«Երեկվա առավոտն օդում դիմավորեցի: Կինս` Անին, ինձ համար անակնկալ էր պատրաստել՝ օդապարիկով թռչեցինք, եւ այդպես գեղեցիկ օր անցկացրինք»,-նշեց Ավետը:
Նշենք, որ երգահանը ծնվել և ապրում է Երևանում։ 1997 թվականին ավարտել է Ալեքսանդր Բլոկի անվան թիվ 122 դպրոցը։ Ընդունվել է Խաչատուր Աբովյանի անվան մանկավարժական համալսարանի պատմաիրավագիտական ֆակուլտետ։ 2001 թվականին ավարտել է այն և ընդունվել Հայաստանի Երգի պետական թատրոնին կից դպրոց-ստուդիայի հաղորդավարական բաժին։
Ավետ Բարսեղյանը հայ էստրադայի բազմաթիվ երգերի խոսքերի հեղինակ է։ Գրել է նաև Էջմիածին քաղաքի հիմնի խոսքերը։
Լիդա Եղիազարյան
.gif)
